Билигин чорботуллар соругунан эмсэҕэлээбит нэһилиэктэргэ, хаһаайыстыбаларга төһө хоромньу таһаарыллыбытын ааҕыы, тустаахтарга көмөлөһүү итиэннэ чөлүгэр түһэрии үлэтин тэрийии буоларын бэлиэтээн туран, Айсен Николаев өрөспүүбүлүкэттэн көрүллэр көмө харчыны бу нэдиэлэҕэ ыытарга эттэ. Ойуур баһаара тумнуллубата.
– Былырыыҥҥыга тэҥнээтэххэ, быйыл ойуур баһаара хабар сиринэн 40 төгүл кыра, ахсаанынан 4 төгүл аҕыйах. Ол эрээри, ыалларбытыгар, Хабаровскай кыраай хоту өттүгэр улахан ойуур баһаардара бааллар, буруолара бүгүн Дьокуускайга тиийэ билиннэ. Билигин быһыыны-майгыны кэтээһини күүһүрдэр наада, илинтэн күүскэ тыалырда да, уот биһиги диэки хаһыйар кутталлаах, – диэтэ Айсен Николаев.
Оттооһуҥҥа туһаайан, курааннаабыт улуустар билиҥҥиттэн мобильнай биригээдэлэри тэрийэн, ыраах учаастактарынан оттуу бараллара наадатын бэлиэтээтэ. "Өлүөнэҕэ уонна атын да өрүстэргэ уу түһэн эрэр, үүнүү куһаҕана суох, онон кыстыыр от улахан өттүн бу ыйга бэлэмниир түгэни мүччү тутумуоҕуҥ", – диэбитин туһунан Ил Дархан уонна Бырабыыталыстыба пресс-киинэ иһитиннэрэр.
-
0
-
0
-
0
-
0
-
0
-
0
