Арассыыйа Бэрэсидьиэнин сорудаҕынан Уhук Илин уонна Аартыка чэпчэтиилээх ипотекаларын бырагыраамаларынан дойдуга саамай кыра бырыhыан ыстаапката (сыллааҕыта 2 %) уонна 20%-наах бастааҥҥы усунуос олоххо киирэллэр.
Бу бырагыраамаларынан кирэдьииттэр үрдүкү лимииттэрэ 60 кв. м. ордук иэннээх олорор дьиэни ылыан баҕалаах дьоҥҥо 6 мѳл. солкуобайтан 9 мѳл. солкуобайга диэри үрдэтилиннэ.
Маннык ипотеканан эдэр ыаллартан, соҕотох тѳрѳппүттэртэн, педагогтартан, медиктэртэн, «Гектар» бырагыраама уонна үлэ мобильноhын бырагыраамаларын кыттааччыларыттан ураты Оборуона-бырамыысыланнас комплексын үлэhиттэрэ эмиэ туhанар буоллулар.
2023 сыл бүтүүтэ чэпчэтиилээх ипотекаларынан 93 тыh. тахса Уhук Илин уонна Хоту дойду олохтоохторо туhаннылар — саҥа кыбартыыра атыыластылар эбэтэр саҥа дьиэ тутуннулар.
Саха Ѳрѳспүүбүлүкэтэ Уhук Илин уонна Аартыка чэпчэтиилээх ипотекаларынан бэриллибит кирэдьииттэр ахсааннарынан инники күѳҥҥэ сылдьар. Ол курдук, Приморскай кыраайга - 25,1 тыh., Саха Ѳрѳспүүбүлүкэтигэр — 20,6 тыh., Хабаровскай кыраайга – 12,5 тыh. кирэдьиит бэриллибит.
Санаттахха, 2023 сыл сэтинньи ыйыттан Арассыыйа Бырабыыталыстыбата «Уhук Илин ипотеката» бырагыраама дьайыытыгар Аартыка зонатын киллэрбитэ.
- 0
- 0
- 0
- 0
- 0
- 0