– Коронавирус пандемиятын усулуобуйатыгар алмаас уонна бриллиант бородууксуйатын атыытыгар-тутуутугар интэриэс түһэн, экспорт кээмэйэ биллэрдик аччаата. Онон “Норуоттар икки ардыларынааҕы бииргэ үлэлээһин уонна экспорт” национальнай бырайыак былааннаммыт көрдөрүүлэрин ситиспэт кутталлаахпыт. Арассыыйа экспорын киинин иһитиннэриитинэн, 2020 сыл тохсунньу уонна бэс ыйдарыгар өрөспүүбүлүкэ бырамыысыланнаһын несырьевой экспора 64 мөл. дуолларга тэҥнэстэ. Ити көрдөрүү былырыын 90 мөл дуоллар буола сылдьыбата, – диэн Айсен Николаев бэлиэтээтэ.
Ити национальнай бырайыак кыһалҕалаах боппуруостарыгар СӨ бырамыысыланнаска уонна геологияҕа миниистирэ Максим Терещенко, тыа хаһаайыстыбатын миниистирэ Александр Атласов, урбаан, атыы-эргиэн уонна туризм миниистирин I солбуйааччы Максим Карбушев тохтоотулар.
“Норуоттар икки ардыларынааҕы бииргэ үлэлээһин уонна экспорт” национальнай бырайыак чэрчитинэн 4 эрэгийиэннээҕи бырайыак олоххо киирэр. Олорго СӨ Бырамыысыланнаска уонна геологияҕа министиэристибэтэ, СӨ Тыатын хаһаайыстыбатын министиэристибэтэ, СӨ Урбааҥҥа, атыыга-эргиэҥҥэ уонна туризма министиэристибэтэ, СӨ Тас сибээскэ уонна норуоттар дьыалаларыгар министиэристибэтэ эппиэттээхтэр.
“Сыыппара экэниэмикэтэ” национальнай бырайыак олоххо киириитин туһунан СӨ Инновацияҕа, сыыппара сайдыытыгар уонна инфокоммуникационнай технологияларга миниистирэ Анатолий Семенов, үөрэҕирии уонна билим миниистирин I солбуйааччы Николай Гришаев, үөрэҕирии уонна билим миниистирин солбуйааччы Нюргуна Соколова билиһиннэрдилэр.
Ити национальнай бырайыак чэрчитинэн 5 өрөспүүбүлүкэтээҕи бырайыак олоххо киирэр. 4 бырайыакка СӨ Инновацияҕа, сыыппара сайдыытыгар уонна инфокоммуникационнай технологияларга министиэристибэтэ эппиэттиир, оттон бииргэ – СӨ Үөрэҕириитин уонна билимҥэ министиэристибэтэ. Быйыл ити бырайыактарга 32,79 мөл солк көрүллүбүт. Бүгүҥҥү күҥҥэ бырайыактары олоххо киллэриигэ 6 хантыраагы түһэрсибиттэр. Онно 2 мөл солк барыһырбыттар. Ону таһынан эбии 2 хантыраагы түһэрсэргэ былааннаналлар. 2019 сылтан 2021 сылга диэри 1,2 тыһ кэриҥэ социальнай тэрилтэни интернакка холбуохтаахтар. 2020 сылга социальнай тэрилтэлэр интернекка холбонууларын уонна трафигын төлөбүрүгэр 475 мөл солк. көрүллүбүт. 3 сыл иһигэр ити суума 1,46 млрд солк тэҥнэһиэхтээх.
Мунньаҕы түмүктээри туран, Айсен Николаев “Сыыппара экэниэмикэтэ” национальнай бырайыагынан үлэ этэҥҥэ баран иһэрин бэлиэтээтэ.
– Пандемия нэһилиэнньэ сыыппара өҥөлөрүгэр наадыйарын көрдөрдө. Онон бары судаарыстыбаннай уонна муниципальнай тэрилтэлэргэ электроннай докумуон эргиирин киириитин түргээтэтиҥ, – диэн сорудахтаата.
“Норуоттар икки ардыларынааҕы бииргэ үлэлээһин уонна экспорт” национальнай бырайыак олоххо киириитигэр үлэ саҥа көрүҥнэрин толкуйдааҥ уонна бырайыагынан дьарыктанар хонтуоралар үлэлэрин көрүҥүн уларытыҥ диэн бэлиэтээн эттэ.
СӨ Бырабыытылыстыбатын пресс-сулууспатын матырыйаалынан.
Марии Васильева хаартыскаҕа түһэриитэ, ЯСИА
-
0
-
0
-
0
-
0
-
0
-
0
