Издательский дом Редакция Подписка
Погода в Якутске: . 16 oC

Ил Түмэн ыччат дьыалаларыгар, физическэй култуураҕа уонна спорка сис кэмитиэтин бэрэссэдээтэлэ Георгий Балакшин РФ Госдума Федеральнай мунньаҕын сис кэмитиэттэрин салайааччыларын кытта кѳрүстэ.

Ил Түмэн ыччат дьыалаларыгар, физическэй култуураҕа уонна спорка сис кэмитиэтин бэрэссэдээтэлэ Георгий Балакшин РФ Госдума Федеральнай мунньаҕын сис кэмитиэттэрин салайааччыларын кытта кѳрүстэ.

Госдума ыччат бэлиитикэтигэр кэмитиэтин бэрэссэдээтэлэ Артём Метелёвы кытта кѳрсүhүү кэмигэр патриотическай иитии туhунан кэпсэттилэр. Георгий Балакшин Саха Сирин дьокутааттара ааспыт сыл муус устар ыйыгар «Саха Ѳрѳспүүбүлүкэтигэр патриотическай иитии туhунан» сокуону ылыммыттарын туhунан кэпсээтэ. Чуолкайдыыр буоллахха, итинник федеральнай сокуон суох. Гражданнары патриотическай иитии туhунан «Байыаннай сулууспаҕа буойун эбээhинэhин туhунан» федеральнай сокуон туспа ыстатыйатын кѳрүҥүнэн баар.

Салгыы Георгий Балакшин Госдума физическэй култуураҕа уонна спорка кэмитиэтин бэрэссэдээтэлэ, аатырбыт биатлонист Антон Шипулины кѳрсѳн, «РФ физическэй култуура уонна спорт туhунан» ФС 5 ыстатыйатыгар уларытыылары киллэрэргэ эттэ. Чуолаан физическэй култуура уонна спорт субъектарын испииhэгэр национальнай уонна олимпийскайа суох спорт кѳрүҥнэрин кэмитиэтин эбэн биэрэр туhунан. Ити кѳҕүлээhин ылыллыннаҕына, эрэгийиэннэр икки ардыларынааҕы, федеральнай уонна норуоттар икки ардыларынааҕы таhымҥа эрэгийиэннэр Бүтүн Арассыыйатааҕы реестргэ киирбит уонна ѳссѳ киирэ илик спорт кѳрүҥнэрин киллэрэр кыахтаныахтара. Антон Шипулин киниэхэ бу туhунан докумуоннар бакыаттарын ыыталларыгар эттэ.

Ѳрѳспүүбүлүкэ дьокутаата Госдума Уhук Илини уонна Аартыканы сайыннарыыга кэмитиэтин бэрэссэдээтэлэ Николай Харитоновы, туризмҥа уонна туристическай инфраструктураны сайыннарыыга кэмитиэт бэрэссэдээтэлин бастакы солбуйааччыта Николай Валуевка приемҥа сырытта. Николай Валуевы кытта Ньурба куоракка олох-дьаhах кытаанах тобохторун полигонун тутуу проблематын дьүүллэстэ. Санаттахха, Госдума ааспыт ыҥырыытыгар Валуев экологияҕа уонна тулалыыр эйгэни харыстааhыҥҥа кэмитиэт бэрэссэдээтэлин бастакы солбуйааччытынан үлэлээбитэ.

Оттон буокса норуоттар икки ардыларынааҕы Ассоциациятын (AIBA) бэрэсидьиэнин Умар Кремлёвы кытта кэпсэтии кэмигэр Георгий Балакшин «Доҕордоhуу Оонньуулара» норуоттар икки ардыларынааҕы спортивнай күрэхтэhиилэр бырагыраамаларыгар мас тардыhыытын киллэрэргэ этии киллэрдэ. Бу Оонньуулар 2024 сыл балаҕан ыйыгар Москваҕа уонна Екатеринбурга ыытыллыахтаахтар.

Александр Ильин-Егоров

Хаартыскаҕа: Антон Шипулины кытта кѳрсүhүү кэмигэр.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Общество

Родина – мать родная

В своем посту в Фейсбуке от 12 июня 2021 года, посвященный ко Дню России я изложил…
12.06.24 17:51