Парламентарий билиҥҥи туругунан элбэх дохуота суох дьон үрдүк үөрэх кыһаларыгар үөрэнэ киириллэрэ ыарахаттардаах буолан эрэрэ РФ Конституциятын нуорматыгар ханан да сөп түбэспэтин ыйбыт. «Соторутааҥҥа диэри ханнык баҕарар судаарыстыбаннай үрдүк үөрэх кыһата маҥнайгы кууруска үс бөлөҕү босхо үөрэтэрэ, биир бөлөҕү эрэ төлөбүрдээххэ ылара. Билигин бу төттөрү эргийэн таҕыста, ол курдук, үс бөлөх төлөбүрдээх, биир бөлөх босхо буолла. Кэлиҥҥи кэмҥэ үрдүк үөрэххэ үптэринэн-харчыларынан татым дьон оҕолорун үөрэттэрэр кыахтара суох буолан эрэр. Ол эрээри, дьадаҥы буолуу кими даҕаны нолуогу төлүүртэн босхолообот. Нолуок харчытынан судаарыстыбаннай үрдүк кыһалар үлэлии олороллорон өйдүөх тустаахпыт. Онон итинэн сиэттэрэн этэр буоллахха, хас биирдии судаарыстыбаннай дэниллэр үрдүк үөрэх кыһата босхо үөрэтэргэ кыһаллыахтаах, ону толору хааччыйыахтаах», -- диэн бэлиитик эппит.
-
0
-
0
-
0
-
0
-
0
-
0
