Издательский дом Редакция Подписка
Погода в Якутске: . -36 oC

Госдумаҕа Уhук Хоту элбэх оҕолоох тѳрѳппүттэригэр уоппуска бырайыаhын биир сылга биирдэ тѳлүүр туhунан сокуон барыла кѳрүлүннэ. Ол туhунан «Парламент хаhыата» иhитиннэрэр.

Госдумаҕа Уhук Хоту элбэх оҕолоох тѳрѳппүттэригэр уоппуска бырайыаhын биир сылга биирдэ тѳлүүр туhунан сокуон барыла кѳрүлүннэ. Ол туhунан «Парламент хаhыата» иhитиннэрэр.

Билиҥҥитэ Уhук Хоту үлэлиир дьон уоппускаҕа ханна эмит сынньана баралларыгар, кэлэр-барар бырайыастарын Үлэ кодексын быhыытынан үлэ биэрээччи икки сылга биирдэ тѳлүүр. 

Онуоха Үлэ Кодексыгар элбэх оҕолоохторго ханнык да эбии чэпчэтиилээх усулуобуйа кѳрүллүбэт.

Сокуон барылын ааптардара Үлэ кодексыгар Уhук Хоту үлэлиир үс уонна онтон элбэх оҕолоох дьон уоппуска кэмигэр сынньалаҥҥа барар уонна тѳттѳрү айанныыр бырайыастарын биир сылга биирдэ тѳлүүргэ этэллэр. Ону тэҥэ тѳлѳбүр кинилэр дьиэ кэргэннэрин бары чилиэннэригэр кѳрүллүѳхтээх диэн ыйаллар.

Маннык нуорма киирдэҕинэ, хоту эрэгийэн элбэх оҕолоох ыаллара оҕолорун муораҕа сотору-сотору илдьэ сылдьар кыахтаныахтара, ол, биллэн турар, оҕолор доруобуйалара бѳҕѳргүүрүгэр кѳмѳлѳѳх буолуоҕа диэн ааптардар быhаараллар.

Бырабыыталыстыба бу сокуон барылыгар түмүк биэрэригэр, саҥа ороскуоттары хантан ылар чуолкайдамматаҕын, сокуон барылынан киллэриллэр уларыйыылар РФ субъектарыгар социальнай гарантиялар тустарынан сокуоннары тупсарыы суолунан олоххо киириэхтэрин сѳбүн ыйда.

СИА хаартыската туhанылынна

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением