Издательский дом Редакция Подписка
Погода в Якутске: . -14 oC

Кэлэр сыл балаҕан ыйын 1 күнүттэн уу биологическай ресурсаларын бултааһыҥҥа көҥүл электроннай киэбинэн бэриллиэн сөбүн туһунан этэллэр. Судаарыстыбаннай Дуума маннык сокуон барылын күһүҥҥү сиэссийэҕэ бастакы ааҕыыга көрүөхтээх.

Кэлэр сыл балаҕан ыйын 1 күнүттэн уу биологическай ресурсаларын бултааһыҥҥа көҥүл электроннай киэбинэн бэриллиэн сөбүн туһунан этэллэр. Судаарыстыбаннай Дуума маннык сокуон барылын күһүҥҥү сиэссийэҕэ бастакы ааҕыыга көрүөхтээх.

Балыгы бырамыысаланнай таһымынан бултуур хампаанньалар итиэннэ уу биологическай ресурсаларын научнай-чинчийэр, ууһатар сыалга үлэлиир тэрилтэлэр балыктыырга көҥүлү Балыктааһын федеральнай ааҕыныстыбатын дуоһунастаах боломуочунайа илии баттаабыт электроннай докумуонунан ылар буолуохтара. Билигин кинилэр көҥүлү ыларга ирдэниллэр докумуоннарын Росрыболовствоҕа тус бэйэлэрэ туттараллар биитэр буостанан ыыталлар.

– Көҥүлү онлайн киэбинэн ылыы биллэн турар, балакыытаны суох оҥоруо уонна бириэмэтигэр даҕаны сүүйүүлээх буолуо, – диэн хатыыһы ууһатааччылар сойуустарын бэрэсидьиэнэ Александр Новиков этэр.

Бэриллибит көҥүллэр итиэннэ балыктааһын туһунан отчуоттар барыта бултуур электроннай сурунаалга түмүллэн иһиэхтэрэ. Ол систиэмэҕэ балыктыыр ааллар хапытааннарын сууккатааҕы үлэлэрин туһунан иһитиннэриилэрэ уонна отчуоттара киллэриллиэҕэ. Докумуоннар юридическай суолталарын электроннай илии баттааһын бигэргэтиэҕэ. Бултуур электроннай сурунаалга киллэриллибит чахчылар судаарыстыба балыктааһын эйгэтигэр уонна уу биологическай ресурсаларын харыстааһыҥҥа кэтээн көрөр сулууспатыгар анаан толоруллаллар.

2022 сыл балаҕан ыйын 1 күнүттэн 2023 сыл балаҕан ыйын 1 күнүгэр диэри саҥа киэбинэн үлэлииргэ көһөр түһүмэх буолуоҕа. Бу кэм устатыгар бултуур сурунаалы кумааҕынан толорор хамаандалар электроннай киэбинэн үлэлииргэ үөрэниэхтэрэ диэн «Парламентскай хаһыат» суруйар.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23