Сүбэ мунньахха кэмитиэт чилиэннэрэ бу сыл олунньу 23 күнүгэр бигэргэммит Саха Өрөспүүбүлүкэтин социальнай-экэнэмиичэскэй сайдыытын сорох боппуруостарыгар Ил Түмэн уурааҕын олоххо киллэриигэ СӨ Бырабыыталыстыбатын иһитиннэриитин дьүүллэстилэр.
Санаттахха, былырыын ахсынньы 23 күнүгэр РФ Федеральнай Сэбиэтин пленарнай мунньаҕар Саха Өрөспүүбүлүкэтин социальнай-экэнэмиичэскэй сайдыытыгар судаарыстыбаннай өйөбүл туһунан уураах ылыныллыбыта. Бу үрдүк суолталаах докумуон бигэргэнигэр VI ыҥырыылаах Ил Түмэн дьокутааттара, экэниэмикэҕэ, инвестицияҕа уонна бырамыысыланнас бэлиитикэтигэр сис кэмитиэт бэрэссэдээтэлэ Павел Петров уонна кэмитиэт чилиэннэрэ Федеральнай Сэбиэт чилиэттэрин кытта бэрт көдьүүстээх үлэни-хамнаһы ыыппыттара. Ону тэҥэ бу сыл олунньу 28 күнүгэр СӨ парламенын 40-с уочараттаах пленарнай мунньаҕар норуот дьокутааттара Саха Өрөспүүбүлүкэтин социальнай-экэнэмиичэскэй сайдыытын сорох боппуруостарыгар туһааннаах уураах ылыммыттара.
Салгыы киэҥ ыҥырыылаах мунньахха норуот дьокутааттара сис кэмитиэт 2024 сыллааҕы үлэтин былаанын бигэргэттилэр. Ол курдук, кэмитиэт сокуону оҥорууга тус сыаллаах үлэтин таһынан, көһө сылдьар мунньахтары тэрийиэҕэ, ону тэҥэ Саха Сирин тырааныспарга комплексын сайыннарыыга судаарыстыбаннай бырагырааманы олоххо киллэриигэ уонна сиртэн хостонор баайы туһаныыга бырабыыталыстыба чаастарын ыытыаҕа. Киэҥ ыҥырыылаах мунньахтарга өрөспүүбүлүкэ социальнай-экэнэмиичэскэй сайдыытыгар бырамыысыланнай тэрилтэлэр уонна туһанааччылар бэрэстэбиитэллэрэ кыттыыны ылаллара күүтүллэр.
-
0
-
0
-
0
-
0
-
0
-
0
