Издательский дом Редакция Подписка
Погода в Якутске: . -11 oC

Ил Дархан Айсен Николаев Ил Түмэҥҥэ туһаайан этиитин тула норуот дьокутааттара санааларын үллэстэллэр.

Ил Дархан Айсен Николаев Ил Түмэҥҥэ туһаайан этиитин тула норуот дьокутааттара санааларын үллэстэллэр.

Ил Түмэн Судаарыстыбаннай тутулга уонна олохтоох салайыныыга сис кэмитиэтин бэрэссэдээтэлэ Владимир Прокопьев:

- Саха Өрөспүүбүлүкэтин Аҕа баһылыга Айсен Николаев үгэскэ кубулуйбут Ил Түмэҥҥэ туһаайан этиитэ буолла. Бу Ил Дархан парламеҥҥа туһаайан бэһис этиитэ. Этии ис хоһоонугар эрэгийиэн салалталара, министиэристибэлэр уонна биэдэмэстибилэр, тутаах тэрилтэлэр ааспыт түөрт сылга ыыппыт үлэлэрэ киэҥник бэлиэтэннэ.  
Бастатан туран, Айсен Николаев дойдуга уонна аан дойдуга билиҥҥи быһыыга-майгыга болҕомтотун анал байыаннай дьайыыга уурбута. Эрэгийиэн баһылыга анал байыаннай дьайыыга сулууспалааччылар дьиэ кэргэттэрин уонна баҕа өттүнэн дойдуну көмүскээччилэри өйөөһүҥҥэ СӨ судаарыстыбаннай былааһын уорганнара салгыы үлэлиэхтээхтэрин туһунан кэпсээтэ. Аҕа баһылык өрөспүүбүлүкэ экэниэмикэтин, социальнай эйгэтин бары салааларын сайыннарыыга болҕомтотун уурда. Манна ситиһиллибит үлэ үтүө түмүктэрэ, чахчы, киһини сөхтөрөр.
Ааспыт түөрт сылга олус элбэх үлэ, тэрээһин ыытылынна. Өрөспүүбүлүкэ бүддьүөтүн дохуоттаах чааһа үрдээбитин бэлиэтиэххэ наада. 2018 сылга бүддьүөт дохуота 180 млрд. солк. эбит буоллаҕына, 2022 сыл түмүгүнэн 300 млрд. солк. диэри улаатта. Өрөспүүбүлүкэ бүддьүөтүн дохуоттаах чааһын улаатыннарыыта национальнай бырайыактарга уонна федеральнай бырагыраамаларга федеральнай үбү-харчыны тардыы, дьоһун үлэ ыытыллыбытын суотугар ситиһилиннэ, ол түмүгэр үөрэх, култуура, доруобуйа харыстабылын, спорт эбийиэктэрэ, элбэх саҥа олорор дьиэлэр үлэҕэ киирбиттэрин бэлиэтииллэр.
СӨ Ил Түмэнигэр уонна Быраабыыталыстыбаҕа Айсен Николаев өрөспүүбүлүкэ нэһилиэнньэтин олоҕун уйгутун үрдэтиигэ, тыа хаһаайыстыбатын, бырамыысыланнас, социальнай, экэнэмиичэскэй, уо.д.а. эйгэлэргэ үлэни күүһүрдэргэ сорудахтаата. Ыйыллыбыт соруктар олус улахаттар. Ити барыта чугастааҕы сылга эрэ буолбакка, инники кэскиллээх буолууга эмиэ сыалланар. Бу биһиги Аҕа баһылыкпыт  бэлитиичэскэй суолталаах инники сылга бырагырааманы бигэргэтэр сайабылыанньата дии саныыбын. Биһиги, норуот дьокутааттара, Ил Дархан этиитин астынныбыт, кини туруорбут соруктара уонна инникигэ ыйыллыбыт этиилэрэ толоруллуохтара дии саныыбыт.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением