– Өрөспүүбүлүкэ араас улуустарыттан 158 сайаапка киирбититтэн, ирдэбилгэ сөп түбэһэр докумуоннаах 126 кыттааччы куонкуруска киллэриллибитэ. Бизнес-былааннары көмүскээһин ыам ыйын 16-17 күннэригэр ыытыллыбыта, хас биирдии кыттааччы бырайыагын уопсастыбаннай сэбиэттэр бэрэстэбиитэллэриттэн састааптаах хамыыһыйа иннигэр көмүскээтэ. Түмүккэ грант 18 киһиэхэ бэрилиннэ, кинилэр кэккэлэригэр ынах сүөһүнү, сылгыны иитэр, ыҥырыаҕа идэтийбит, тыа хаһаайыстыбатын бородууксуйатын оҥорууга үлэлиир эдэр фермердэр бааллар, – диэтэ миниистир Александр Атласов.
Санатан эттэххэ, «Агростартап» грана 2019 сыллаахтан бэриллэр. Бу кэм устатыгар грант харчытын 113 бааһынай хаһаайыстыба баһылыга ылан, үлэлии-хамсыы сылдьар. Быйыл 61,6 мөл. солк., ол иһигэр федеральнай бүддьүөттэн 45 мөл. солк. көрүлүннэ.
«Агростартап» гранын кыайыылаахтара:
Гринкевич Надежда (Нерюнгри, Серебрянай Бор), Чириков Владимир (Дьааҥы, Бөтөҥкөс), Красильников Валерий (Чурапчы), Авксентьева Надежда (Нам, Кириэс Кытыл), Варламов Радомир (Хаҥалас, Хоточчу), Дмитриева Альбина (Мэҥэ Хаҥалас, Петровка), Григорьев Николай (Үөһээ Бүлүү, Кырыкый), Барашков Игорь (Чурапчы), Слепцова Наталья (Үөһээ Халыма, Уһун Күөл), Горохов Дмитрий (Дьааҥы, Суордаах), Рожин Алексей (Эбээн Бытантай, Баатаҕай Алыыта), Федоров Валерий (Горнай, Бэс Күөлэ), Пудов Тимур (Хаҥалас, Улахан Аан), Кондратьева Антонина (Ньурба), Егорова Виктория (Чурапчы, Толоон), Попова Клара (Нам), Ноева Анастасия (Томпо, Кириэс Халдьаайы), Попов Иван (Уус Алдан, Бороҕон).
-
0
-
0
-
0
-
0
-
0
-
0
