Издательский дом Редакция Подписка
Погода в Якутске: . -12 oC

Ил Түмэн дьокутаата Руслан Федотов «Амма» аахсыйаламыт уопсастыбаны кытары сөбүлэһии түһэрсэн, Амма өрүс үрдүгэр турар Хойуу учаастагар 352 гектар иэннээх сири таҥастатан, көрөн-харайан, төһө үүнүүнү ылыахха сөбүн көрдөрөр соруктаах үлэтин саҕалаата.

Ил Түмэн дьокутаата Руслан Федотов «Амма» аахсыйаламыт уопсастыбаны кытары сөбүлэһии түһэрсэн, Амма өрүс үрдүгэр турар Хойуу учаастагар 352 гектар иэннээх сири таҥастатан, көрөн-харайан, төһө үүнүүнү ылыахха сөбүн көрдөрөр соруктаах үлэтин саҕалаата.

Урукку өттүгэр элбэх сыллаах от ыһылла сылдьыбыт Хойуу учаастага сүүрбэччэ сыл кэриҥэ туһаныллыбакка, талаҕынан саба үүнэн турар.
Дуогабар быһыытынан, «Амма» АУо улахан кыамталаах тиэхиньикэлэрэ сири таҥастыыр үлэтин саҕалаатылар. Мантан күһүн бааһыналарга хорутуу, диискэлээһин, күрүөлээһин үлэлэрэ барыахтара. Оччотугар эрэ кэлэр сааскы ыһыы халтайга хаалыа суоҕа. Бу бааһыналарга элбэх сыллаах от, бурдук уонна оҕуруот аһа олордуллара былааннанар.
Элбэх сыллаах оту ыһыахпытын баҕарбыппыт ыраатта. Бу учаастакка аныгы тиэхиньикэлэри үлэлэтэн, уу кутар ситими тартаран, сиргэ саҥалыы сыһыаны олохтоон үлэлиэхпит. Кыра сиртэн бородууксуйаны ылан, барыстаах тахсары ситиһиэхтээхпит. Ол барыта ситэн-хотон олоххо киирдэҕинэ, үлэ миэстэтэ тахсыаҕа, чэпчэки сыаналаах бородууксуйа баар буолуоҕа. Инникитин Хойуу учаастага улууспутугар сүөһү аһылыгын бэлэмнээһин стратегическай баазата буолуон баҕарабын. Улууска сүөһү сиир хаачыстыбалаах ото уонна бурдуга баар буолуохтаах. Кэнники сылларга өрөспүүбүлүкэ үрдүнэн айылҕа содулуттан араас уустуктары, ыарахаттары көрсөр буоллубут. Онон күнү-дьылы кэтэспэккэ, элбэх сыллаах оту ыһан, оттооһун төһө эрэ бырыһыанын бааһынаттан ылыахха сөп. Урут, Сэбиэскэй былаас саҕана, от ыһыллыбыт ходуһаларын үүнүүнү биэриилэрэ мөлтөөн турар, инньэ гынан билигин үлэни саҥаттан саҕалыыр, сөргүтэр наада. Өр сыллаах оту ыһан баран, үс сыл устата күүтэҕин. Ол аата ыспит кэннитэн үс сыл таах турар, сиэмэтин биэрбэт буолан, дьон ночооттоох диэн бу хайысхаҕа ылсыбат, -- диир норуот дьокутаата Руслан Федотов.

Биллэн туран, бааһынаны сөргүтүү, ыһыы үлэтин ыытыы үгүс үлэни, сыраны, үбү-харчыны эрэйэр.

Билигин сиргэ саҥалыы, хаһаайынныы сыһыан наада. Ылан көрдөххө, нэһилиэк ахсын сирдэр бары хаһаайыннаахтар. Ол эрээри, дьон-сэргэ сиригэр кыһаммат, сайыҥҥы өттүгэр оттуур эрэ. Онтон бу сиртэн элбэх оту ылар туһугар үлэ барыахтаах. Сир оҥоруутун боппуруоһун сири бас билээччи уонна улуус дьаһалтата күүскэ ыытыахтаах. Сири бас билээччи эбэтэр түүлэһэн туһанааччы сирин сөптөөхтүк туһанарыгар анал бырагыраамалаах буолуохтаах. Холобур, биир алаас, сыһыы хас да бас билээччилээх. Бу дьон бары сүбэлэһэн баран, ууну түһэрэргэ эбэтэр киллэрэргэ, нүөлсүтэргэ анаммыт биир бырагыраамалаах буолуохтаахтар. Тус-туспа сылдыа суохтаахтар. Онон сири туһаныыга бас билээччилэр уонна олохтоох дьаһалта анал былааны оҥостон үлэлиэхтээхтэр. Онтон Амма улууһугар бааһыналары сөргүтүү үлэтэ саҕаламмыта хайҕаллаах дыала. Инникитин дьон-сэргэ көрөн, сиргэ-уокка сыһыанын уларытан, сири сөпкө туһанарга ылсарыгар холобур буолуоҕа, -- диэн бэлиэтиир тыа хаһаайыстыбатын миниистирэ Александр Атласов.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением