Издательский дом Редакция Подписка
Погода в Якутске: . -14 oC

Көмүс күһүн күөйэ көтөн, кыстыкка бэлэмнэнии үлэтэ ыган эрэр итиэннэ ол барыта харчыга кэлэн иҥнэр.

Көмүс күһүн күөйэ көтөн, кыстыкка бэлэмнэнии үлэтэ ыган эрэр итиэннэ ол барыта харчыга кэлэн иҥнэр.

Дьааҥы улууһугар Дьоҕус урбааны сайыннарар пуонда үлэһиттэрэ тиийэн үлэлээн, хаһаайыстыбалар кыстыктарын тэринэллэригэр сойуом биэрэн барбыттар. Ол туһунан «Полюс холода» кэпэрэтиип салайааччыта Екатерина Алексеевна Портнягина маннык кэпсиир:

– Биһиэхэ, Дьааҥы улууһугар, быйыл дьэ уустук кыстык иһэр. Ол эрээри, манна ким даҕаны «кыайтарбат» диэн баран быар куустан олорбот, биир да күнү өрөөбөккө бары ходуһаҕа сылдьабыт. Эр дьоммут ууну кэһэ сылдьан охсубут отторун кураанах сиргэ соһон таһааран, куурдан-хатаран дьаһайа сатыыбыт да, ардахпыт батыһа сылдьан саба түһэн иһэр. Оттон күммүт-дьылбыт көһүтэн турбат, халлааммыт тымныйда. Хаарбыт түһэрэ бу кэллэ...  Төһө да оттуу сатаатарбыт, кэпэрэтииппит сүөһүтүн кыстатар оппутун хааччыйыахпыт ыраах, онон биир эмэ ордор оттоох дьонтон от атыылаһыахпытын наада. Халаан уута айгыратан ааспыт хотоммутун кыстыгы көрсө оҥосторбут эмиэ баар. Дьэ онуоха утары уунар үп ирдэнэр. Бааннар ыраах хотугу улуустар тэрилтэлэригэр харчыны иэс биэрбэттэр...

ПХ_сана_3.jpg

Хата, ону соһуччу көмө кэлэн үөртэ. Атырдьах ыйын 16--19 күннэригэр  Саха Өрөспүүбүлүкэтин Дьоҕус урбааны сайыннарар пуондатын салайааччы Петр Федорович Максимов түөрт исписэлииһин илдьэ кэлэн, халаантан эмсэҕэлээбит нэһилиэктэр олохтоохторугар, урбаанньыттарга көмөлөстө. Бу пуонданы кытары биһиги 2015 сыллаахтан үлэлэһэбит, араас ыарахан кэмнэрбитигэр нэһилиэнньэттэн эти, үүтү тутарга, оту уонна комбикорманы атыылаһарга, тиэйиигэ-таһыыга элбэхтик көмөлөһүннэрбиппит. Бу сырыыга пуонда исписэлиистэрэ улууска кэлэннэр, 13 урбаанньыты кытары сирэй көрсөн, кинилэр инники былааннарын истэн, туохха наадыйалларынан сүбэлээн-амалаан, докумуоннарын тутан бардылар. Петр Федорович урбаанньыттары бэйэтинэн сиэтэ сылдьан, «Сбербаан» уонна нолуок тэрилтэлэрэ ирдэнэр ыспараапканы туох да хааччаҕа суох биэрэллэрин ситистэ.

ПХ_сана_4.jpg

Дьааҥы куоратыгар сылдьаннар, халаан содулун, ханнык эбийиэктэр ууга барбыттарын илэ көрдүлэр-иһиттилэр. Саамай астыммытым диэн, Улахан Сыһыы учаастагар кэлэн, биһиги хайдах оттуурбутун билсибиттэрэ буолла. «Оо дьэ, чахчы ыарахан усулуобуйаҕа оттуур эбиккит»! – диэн соһуйдулар даҕаны, сөхтүлэр-махтайдылар даҕаны.

ПХ_сана_1.jpg

Биһиги докумуоммутун туттаран, 1 уонна 4 %-наах сойуому ылан, олус диэн үөрдүбүт – кыстыгы көрсө хотоммутун өрөмүөннүүр итиэннэ  33 туонна гранулаламмыт оту атыылаһар кыахтанныбыт. Дьоҕус урбааны сайыннарар пуонда бастакынан илиитин уунан, дьиҥнээх көмөнү оҥорон, биһигини улаханнык өйөөтө, инникигэ эрэли үөскэттэ.

Ити иһин эдэр салайааччы Петр Федоровичка итиэннэ пуонда бары исписэлиистэригэр Дьааҥы үлэһит дьонун аатыттан ис сүрэхпититтэн дириҥник махтанабыт! Куруутун ити курдук үлэлиэн-хамсыан баҕарар дьону өйүү, кинилэргэ көмөлөһө туруҥ. Сыралаах үлэҕитигэр улахан ситиһиилэри, чэгиэн-чэбдик доруобуйаны, дьулууру, тулууру, табыллыыны итиэннэ иннигитигэр саҥа, сырдык саҕахтар арылла туралларыгар баҕарабыт!

  • 4
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

Аартыка күнүнэн!

Бүгүн, кулун тутар 19 күнүгэр, Саха Өрөспүүбүлүкэтигэр Аартыка күнэ. Ил Түмэн аатыттан…
19.03.24 11:57