Сунтаарга урбаанньыттары чиэстээтилэр
Издательский дом Редакция Подписка
Погода в Якутске: . -34 oC

От ыйын 27 күнүгэр Сунтаар улууһун дьаһалтатыгар үөрүүлээх чиэстээһин буолан ааста. Сунтаар улууһун баһылыгын сорудаҕынан, баһылык солбуйааччыта Борис Васильев урбаанньыттарга уонна атыы эргиэн үлэһиттэригэр Саха Өрөспүүбүлүкэтин урбааҥҥа, эргиэҥҥэ уонна туризмҥа министиэристибэтин кыраамататын уонна Сунтаар улууһун Аҕа баһылыгын эҕэрдэ суругун туттарда.

От ыйын 27 күнүгэр Сунтаар улууһун дьаһалтатыгар үөрүүлээх чиэстээһин буолан ааста. Сунтаар улууһун баһылыгын сорудаҕынан, баһылык солбуйааччыта Борис Васильев урбаанньыттарга уонна атыы эргиэн үлэһиттэригэр Саха Өрөспүүбүлүкэтин урбааҥҥа, эргиэҥҥэ уонна туризмҥа министиэристибэтин кыраамататын уонна Сунтаар улууһун Аҕа баһылыгын эҕэрдэ суругун туттарда.


Атыы - эргиэн эйгэтэ Сунтаар улууһугар сыл ахсын сайда, кэҥии турар. Алын уонна орто урбааннар улуус сайдыытыгар, нэһилиэнньэни үлэнэн хааччыйыыга улахан оруолу оонньууллар, ону тэҥэ "Татыйыына", "Корона", "Виктория" фирмалар, чааһынай урбаанньыттар, уо. д. а. нэһилиэнньэ кыаммат араҥатыгар, аҕа саастаах дьоҥҥо, элбэх оҕолоох дьиэ кэргэҥҥэ тиһигин быспакка көмө оҥоро тураллар.
Билиҥҥи туругунан улууска 627 урбаан эйгэтин тэрилтэтэ баар, ол иһигэр 204 атыы-эргиэн тэрилтэтэ уонна 12 уопсастыбаннай аһыыр сир.
Розничнай табаар эргиирэ уопсайа сылга 3 млрд. 29 мөл. 982 тыһ. солк. тэҥнэнэр. Уопсастыбаннай аһыыр сир уопсай эргиирэ - 147 мөл. 300 тыһ. солк.
Бу буолбут пандемия кэмигэр уопсастыбаннай аһыыр сир эйгэтин урбаанньыттарыгар ЕНВД нолуок 2 коэффициена 2020 сыл бүтүөр дылы 0,45-тэн муҥутуур 0,005 суолтаҕа түстэ, Бизнес инкубатор резиденнэрэ куортам төлөбүрүттэн босхолоннулар, ыам ыйыгар икки улахан “Тандем”, “Первый” атыы кииннэригэр хомунаалынай ороскуоту сабарга уопсайа 600 тыһынча солк. хаччынан толуйуу үлэлэрэ ыытыллыбыттара.
Ол курдук, урбаанньыттарбыт бу ыарахан кэмҥэ үлэлэригэр саҥа сүүрээн киллэрэн, онлайн нөҥүө табаары атыылааһын уонна тустаах атыылаһааччыга тиэрдэн биэрэр өҥөнү күүскэ үлэлэттилэр.
Улуус урбаанньыттарын сомоҕолоһууларынан улууска араас таһымнаах тэрээһиннэр хото ыытыллаллар. Кэнники кэмҥэ урбаанньыттар социальнай уонна култуура тэрээһиннэригэр успуонсардыыллара үтүө үгэс буолла. Ол курдук, дойдубут үрдүнэн коронавируснай инфекция тарҕана турар кэмигэр, этиллэн ааспытын курдук, урбаанньыттар туора турбатылар, нэһилиэнньэ кыаммат араҥатыгар күүс-көмө буоллулар.
"Сунтаар улууhа (оройуона)" МО дьаһалтатын пресс – сулууспатын матырыйаалыттан.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Ыччат парламена

Историяны билэҕин дуо?

Биллибэт саллаат күнүн көрсө, ахсынньы 2 күнүгэр, 2015 сылтан үгэскэ кубулуйбут «Аҕа…
01.12.22 15:18