Сүүс сыллаах бэлиэ даатаҕа чугаһаабыт уопуттаах сулууспа бу үбүлүөйүн бэйэтин кыаҕынан уонна үлэһиттэрин көҕүлээһиннэринэн тэрилиннэ. Сулууспа билиҥҥи кэлэктиибэ төрөөбүт тэрилтэлэрин устуоруйатын үйэтитэр сыалтан улахан үлэни ыытта. Күннээҕи хамнастарынан үп хомуйан, анал стелла оҥорон туруордулар.
Бу пааматынньыкка бэтэринээрнэй сулууспа хара төрүттэниэҕиттэн улуус нэһилиэктэригэр үлэлээн ааспыт бары исписэлиистэр, бэтэринээрдэр уонна үлэ бэтэрээннэрин ааттара тиһилиннэ. Бу хас биирдии үлэһит сыралаах үлэтигэр дириҥ ытыктабыл уонна махтаныы бэлиэтинэн буолар. Үбүлүөйдээх сыл өссө биир ураты түгэнинэн урукку кэми санатар, сулууспа сайдыытын кэпсиир түмэл хоһун арыллыыта буолла.
Түмэл экспозициятыгар урукку кэмҥэ туттуллубут лабораторнай тэриллэр, бэтэринээр быраастар тус маллара, ону тэҥэ истрпия кэрэһитэ буолар сэдэх препараттар, докумуоннар харалыннылар. Аны биэс сылынан улуус бэтэринээрдэрэ бэйэлэрин сүүс сыллаах өрөгөйдөөх үбүлүөйдэрин үрдүк ситиһиилээхтик көрсөр былааннаахтар.
Бу туһунан Сунтаар улууһун дьаһалтатын пресс-сулууспата Бэтэринээрийэ управлениетын МАХ ханаалыгар суруйар.
Хаартыска: Бэтэринээрийэ управлениетын МАХ ханаала.
-
0
-
0
-
0
-
0
-
0
-
0
