– Бүгүҥҥү чинчийиилэр температураны биир таһымҥа тутар олус уустук сорук буолбутун туоһулууллар. Парижтааҕы сөбүлэҥҥэ этиллэринэн, 21 үйэҕэ сир үрдүгэр халлаан итийиитин 2 кыраадыстан үрдэтиэ суохтаахпыт. Ону баара температура биир кэм үрдүү турар. Кэлэр сылларга номнуо 1,5 кыраадыс үрдүүр кутталлаах, – диэн ааттаммыт тэрилтэ генеральнай сэкирэтээрэ Петтери Таалас иһитиннэрдэ.
Билигин коронавирус аан дойду үрдүнэн тарҕанан, үгүс бырамыысыланнас эбийиэктэрэ үлэлээбэккэ тураллар. Ол түмүгэр СО2 салгыҥҥа тахсара биллэ аччаата. Ол гынан баран, сотору кэминэн экэниэмикэлэри чөлүгэр түһэрэр бырагыраамалар үлэлээн саҕалаатахтарына, СО2 балысханнык салгыҥҥа тахсара сабаҕаланар. Биллэрин курдук, СО2 халлаан итийиитин сүрүн төрүөтэ.
Кэлин халлаан итийиитэ Саха сирин Арктика өттүгэр күүскэ биллэр буолла. Быйыл эмиэ кураан күннэр турбуттарын түмүгэр хоту эргин улахан ойуур баһаардара турдулар. Оттон төһөнөн элбэх ойуур умайар да, соччонон ирбэт тоҥ ууллуута түргэтиир. Мантан сэрэйдэххэ, уустук күннэр-дьыллар өссө да иннибитигэр курдуктар.
-
0
-
0
-
0
-
0
-
0
-
0
