Издательский дом Редакция Подписка
Погода в Якутске: . -14 oC

Төһө да коронавирус  дьаҥа буулаабытын үрдүнэн тыа сиригэр үлэ күөстүү оргуйан, билигин үгүс улууска ыһыы үгэнэ бара турар. Амма улууһугар былыр-былыргыттан сааскы ыһыы үлэтэ күүскэ ыытыллар. Билигин  Амма киэҥ нэлэмэн бааһыналарыгар улахан тиэхиньикэлэр түүннэри-күнүстэри тохтоло суох үлэлии сылдьаллар.

Төһө да коронавирус  дьаҥа буулаабытын үрдүнэн тыа сиригэр үлэ күөстүү оргуйан, билигин үгүс улууска ыһыы үгэнэ бара турар. Амма улууһугар былыр-былыргыттан сааскы ыһыы үлэтэ күүскэ ыытыллар. Билигин  Амма киэҥ нэлэмэн бааһыналарыгар улахан тиэхиньикэлэр түүннэри-күнүстэри тохтоло суох үлэлии сылдьаллар.

Былырыын Амма улууһа бурдукка былаанын  126  % толорбута биллэр. Билигин ыһыы үлэтин кэмигэр үмүрүтэн,  аны күһүн үрдүк үүнүүнү ыларга бэлэмнэр. Быйылгы ыһыы үлэтэ хайдах-туох баран иһэрин Амма улууһун тыатын хаһаайыстыбатын управлениетын салайааччыта  Ион Кононовтан ыйыталастыбыт.

- Ил Дархан бэйэ бурдугун үүннэрэргэ аналлаах Ыйаах таһааран турар. Онно Саха сирин ыһыытын  60 %-нын бэйэбит үүннэрбит бурдукпутуттан ылыллыбыт сиэмэни  ыһыахтаахпыт туһунан ыйыллыбыта. Ол аата атын сиртэн сиэмэни атыылаһыа суохтаахпытын туһунан кытаанах соругу эппитэ, - диэн Ион Семенович кэпсиир. - Дьиҥэр, итинник былааны Амма улууһа ылыммыта ыраатта. 10-тан тахса сыл туруулаһан туран үлэлээммит быйыл дьэ бэйэ сиэмэтин ыстыбыт.  Улуус үрдүнэн бурдук сиэмэтинэн “Амма” ААУо күүскэ дьарыктанар.  Урукку сылларга атын сиртэн атыылаһар этибит. Быйылгыттан "Амма" ААУо бурдук сиэмэтин атыылаата. Онон 889 туоннаны ыһыахтаахпытыттан 460-на бэйэбит киэнин ыһа сылдьабыт.

- Быйыл төһө иэннээх сиргэ бурдугу ыһан эрэҕит?

- Быйылгы былааммыт быһыытынан 3421 гектарга ыһыахтаахпыт. Биэс тэрээһиннээх хаһаайыстыба туорахтаах култуураны, 10 хаһаайыстыба сүөһү аһылыгар аналлаахтары ыһаллар. Итини сэргэ, 159 гектарга хортуоппуйу, 23,2 гектарга  аһаҕас халлаан анныгар үүнэр оҕуруот аһын олортубут. Билигин үлэ этэҥҥэ бара турар. Быйыл сэлээркэбитин, сиэмэни эрдэ быһааран,  ыам ыйын 9 күнүн кэнниттэн ыһыы үлэтин саҕалаабыппыт. Ыам ыйын 28 күнүнээҕи туругунан, ыһыы үлэтин 83 %-нын үмүрүттүбүт. Ол эбэтэр 3425 гектартан 2859-гар ыстыбыт. Ыам ыйын 28 күнүгэр ардах түһэн мэһэйдээтэ эрээри, бүгүҥҥүттэн эбиэт кэнниттэн үлэлээн эрэбит. Хаалбыт үс күҥҥэ ыһыыны хайаан да түмүктүөхпүтүн наада.

- Ити айылаах үлэни үмүрүтэргэ сөптөөх тиэхиньикэлэр наадалар. Тиэхиньикэнэн хааччыллыыгыт хайдаҕый?

- Быйыл Амма улууһун үрдүнэн ыһыыга 150 киһи, 70 тыраахтыр үлэлиир.  134 анал тиэхиньикэ (фреза, сеялка, булуук) туһаныллар. Былырыын тыа хаһаайыстыбатын министиэристибэтин кытта үлэлээн, саҥа тиэхиньикэнэн хааччыйар бырагыраама чэрчитинэн, икки комбайн, икки улахан кыамталаах тыраахтыр, «Зорькай” сиэмэ ыраастыыр оборудованиены атыыласпыппыт. Бурдук сиэмэтин комбайннаан баран, элеваторынан ыраастыыбыт. Билигин үһүс эргиир быһыытынан ити саҥа оборудованиебытыгар туох баар сыыс отугар тиийэ  барытын ыраастатыахпыт.   Быйылгы ыһыы үлэтин кэмигэр үмүрүтэргэ биллэр меценат, урбаанньыт, норуот дьокутаата Руслан Федотов көмөтө улахан.  Ол курдук, ИП Гардашовка, «Кэскил» тэрилтэҕэ, «Үрүйэ» СХПК-ҕа сеялканы, боромньуну, булуугу, ИП Фомиҥҥа булуугу, боромньуну сыаналарыттан 50 %-нын төлөттөрөн баран, хаалбытын аны күһүҥҥэ диэри  уһатан биэрдэ. Итини сэргэ, фермерскэй хаһаайыстыбалаах Павел Петровка 145 тыһ. солк. погрузчигы, 1 мөл. 780 тыһ. солк. бөлөрүүһү биэрдэ, төлөбүрүн сыл бүтүөр диэри күүтүөх буолла. Бу билиҥҥи былдьаһыктаах кэмҥэ улахан көмө буолар.   Руслан Федотов көмөтө бу эрэ буолбатах,  Амма улууһугар тыа хаһаайыстыбата сайдарын туһугар өрүү көмөлөһөр.  

кыччат ысыы фото 2

кыччат ысыы фото 4 2

кыччат маны ысыы фото 3 5

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23