Уhук Илини уонна Аартыканы сайыннарыы корпорацията (КРДВ) уонна «Саңа Олох» хампаанньа Саха Ѳрѳспүүбүлүкэтигэр 260 тѳбѳ ынах сүѳhүнү тутарга анаммыт инновационнай үүт комплексын тутуу бырайыагын олоххо киллэрии чэрчитинэн бииргэ үлэлээhин туhунан сѳбүлэhиини түhэристилэр. Манна үhүс ѳрүтүнэн СѲ инвестициялары тардыыга уонна экспорты ѳйѳѳhүңңэ Агентствота буолла. Сѳбүлэhиигэ КРДВ генеральнай дириэктэрин солбуйааччы Кирилл Каменев, СѲ инвестициялары тардыыга уонна экспоры ѳйѳѳhүңңэ Агентствотын генеральнай дириэктэрэ Анна Стручкова уонна «Саңа Олох» ХЭУо генеральнай дириэктэрэ Александр Березин илии баттаатылар. Оңорон таhаарыы бүтэй циклын оңорорго 750 мѳл. солк. кѳрүллэрэ уонна 20-ттэн итэҕэhэ суох олохтоох дьону үлэ миэстэтинэн хааччыйыы былааннанар. Ол туhунан Уhук Илин сайтыгар иhитиннэриллэр.
Уhук Илини уонна Аартыканы сайыннарыы корпорацията (КРДВ) уонна «Саңа Олох» хампаанньа Саха Ѳрѳспүүбүлүкэтигэр 260 тѳбѳ ынах сүѳhүнү тутарга анаммыт инновационнай үүт комплексын тутуу бырайыагын олоххо киллэрии чэрчитинэн бииргэ үлэлээhин туhунан сѳбүлэhиини түhэристилэр. Манна үhүс ѳрүтүнэн СѲ инвестициялары тардыыга уонна экспорты ѳйѳѳhүңңэ Агентствота буолла. Сѳбүлэhиигэ КРДВ генеральнай дириэктэрин солбуйааччы Кирилл Каменев, СѲ инвестициялары тардыыга уонна экспоры ѳйѳѳhүңңэ Агентствотын генеральнай дириэктэрэ Анна Стручкова уонна «Саңа Олох» ХЭУо генеральнай дириэктэрэ Александр Березин илии баттаатылар. Оңорон таhаарыы бүтэй циклын оңорорго 750 мѳл. солк. кѳрүллэрэ уонна 20-ттэн итэҕэhэ суох олохтоох дьону үлэ миэстэтинэн хааччыйыы былааннанар. Ол туhунан Уhук Илин сайтыгар иhитиннэриллэр.
Сууккаҕа 5 тыh. литр кэриңэ үүтү оңорон таhаарар кыамталаах инновационнай сүѳhү иитэр комплекс Мэңэ Хаңалас улууhугар 2024 сылга тутуллуоҕа. Үрдүк бородууксуйалаах ыстааданы тутарга уонна туңуй бургунастары улаатыннарарга наадалаах эбийиэктэр тутуллуохтара. Бэйэ сүѳhү аhылыгын базатыгар анаан тыа хаhаайыстыбатыгар анаммыт 800 га сир бэриллиэҕэ.
Манна үүтү, ряженканы, кефиры, йогурту, иэдьэгэйи, сүѳгэйи уонна сыры оңорон таhаарар буолуохтара.
«Сана Олох» ХЭУо генеральнай дириэктэрэ Александр Березин бу сүѳhүнү тутууга уонна аhатыыга, эдэр сүѳhүнү улаатыннарыыга туттуллар технологиялар ахсааннарынан аан дойдуга ханна да суох тыа хаhаайыстыбатын тэрилтэтэ буоларын, тулалыыр эйгэҕэ хоромньута суох бүтэй технологическай цикл комплексыгар сылааhы уонна электроэниэргийэни сүѳhү сааҕын переработкалаан ылыахтарын туhунан эттэ.
Ону кытта инвестор ИТ-быhаарыылары туттан, толору роботизацияламмыт аныгы сыыппара ферматын олоххо киллэрэри былаанныр.
Бу бырайыак сүрүн соруктарыттан биирдэстэринэн Саха Сирин олохтоохторун үрдүк хаачыстыбалаах органическай уонна тотоойу бородууксуйанан хааччыйыы буолар.
0
0
0
0
0
0
