Издательский дом Редакция Подписка
Погода в Якутске: . -14 oC

 Бу күннэргэ “Үөһээ Бүлүү улууһа” МО дьаһалтатын баһылыга Василий Поскачин  тыа хаһаайыстыбатын исписэлиистэригэр сабыс-саҥа матассыыкыллары түҥэппитин туһунан сонун социальнай ситимнэринэн тарҕанна. Биһиги дьаһалтаҕа эрийэн бу сэргэх сонун туһунан ыйыталастыбыт.

 Бу күннэргэ “Үөһээ Бүлүү улууһа” МО дьаһалтатын баһылыга Василий Поскачин  тыа хаһаайыстыбатын исписэлиистэригэр сабыс-саҥа матассыыкыллары түҥэппитин туһунан сонун социальнай ситимнэринэн тарҕанна. Биһиги дьаһалтаҕа эрийэн бу сэргэх сонун туһунан ыйыталастыбыт.

Үөһээ Бүлүү улууһун баһылыгын бастакы солбуйааччы Семен Михалев үөрүүнү кытта кэпсээтэ.

-- Биһиги улууспут тыа хаһаайыстыбатын управлениетын үлэтэ атын улуустары кытта тэҥнээтэххэ арыый атын. Ити матассыыкыллар туһунан этэр буоллахха, хас биирдии тыа хаһаайыстыбатын управлениетын исписэлииһигэр иккилии нэһилиэк тиксэр. Ол эбэтэр бу киһи үлэ үчүгэйдик барарын туһугар бу нэһилиэктэри кэрийиэхтээх, от үлэтин, ходуһалар туруктарын, үүт туттарыытын көрүөхтээх-истиэхтээх. Өскөтүн тыа хаһаайыстыбатын управлениетын исписэлииһэ хонтуораҕа эрэ олорон үлэни төлөппүөнүнэн хонтуруоллаатаҕына, былаан туолуутун дьон кэпсээниттэн эрэ биллэҕинэ туох көдьүүстээх буолуой? Онон бу матассыыкыллары биэрэн, үлэлэрин да чэпчэттибит, үлэ кэмигэр ыытылларын да ситиһиэхпит.

Биһиги улууспут быйыл тыа хаһаайыстыбатын салаатыгар 40 мөллүйүөнү көрбүтэ. Ол онтон 20 мөлүйүөнүн үүт туттарыытыгар бэриллэр харчыга укпуппут. Хайдах диир буоллахха, маннык. 5 ынахха диэри ынахтаахтарга туттарбыт лиитирэ үүттэригэр 45 солк. бэриллэр.  Манна өрөспүүбүлүкэ уонна сохотуопкаһыттар харчылара киирэр. 5-тэн 10 диэри ынахтаахтарга бу суумаҕа улуус 5 солк. эбэр, ол эбэтэр 5-10 ынахтаахтар туттарбыт лиитэрэ үүттэригэр 50 солк. ылаллар. Оттон 100 ынахтаах хаһаайыстыбаҕа 45 солкуобайга эбии улуустан 25 солк. эбэн биэрэбит. Ол эбэтэр кинилэр хас лиитирэ үүттэригэр 70 солк. ылаллар. Бу курдук элбэх ынахтаах хаһаайыстыбаланарга дьулуһууну өйүүбүт. Онон улуус иһинэн үлэлиир тыа хаһаайыстыбатын өйүүр бырагыраамаларбыт түмүктэрэ көдьүүстээх буолуохтара диэн эрэллээхпит.

1a633b2b 0673 46ac 88a2 b468ab78be7f

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением