Издательский дом Редакция Подписка
Погода в Якутске: . -11 oC

Атырдьах ыйын 15 күнүгэр, Саха өрөспүүбүлүкэтин Бырабыыталыстыбатын бэрэссэдээтэлин солбуйааччы эбээһинэһин толорооччу Михаил Никифоров, тыа хаһаайыстыбатын миниистирэ Александр Атласов, тыа сирин сайыннарыы отделын салайааччы Николай Тарабукин Нам улууһугар тахсан тыа хаһаайыстыбатын үлэтин-хамнаһын билистилэр. Ыалдьыттары улуус баһылыга Юрий Слепцов, солбуйааччыта Филипп Николаев уонна тыа хаһаайыстыбатын управлениетын салайааччыта Владимир Макаров арыаллаан улуус хаһаайыстыбалара хайдах дьаһанан олороллорун билиһиннэрдилэр, көрдөрдүлэр.

Атырдьах ыйын 15 күнүгэр, Саха өрөспүүбүлүкэтин Бырабыыталыстыбатын бэрэссэдээтэлин солбуйааччы эбээһинэһин толорооччу Михаил Никифоров, тыа хаһаайыстыбатын миниистирэ Александр Атласов, тыа сирин сайыннарыы отделын салайааччы Николай Тарабукин Нам улууһугар тахсан тыа хаһаайыстыбатын үлэтин-хамнаһын билистилэр. Ыалдьыттары улуус баһылыга Юрий Слепцов, солбуйааччыта Филипп Николаев уонна тыа хаһаайыстыбатын управлениетын салайааччыта Владимир Макаров арыаллаан улуус хаһаайыстыбалара хайдах дьаһанан олороллорун билиһиннэрдилэр, көрдөрдүлэр.



Бастаан Ойоҕос диэн арыыга тиийэн кэтэх хаһаайыстыбалаах Машниковтар дьиэ кэргэн ходуһаларыгар тиийэн от хаамыытын билистилэр. Намыһах арыылары, ходуһалары уу ылбыт буолан, кыра харгыстар үөскээбиттэригэр туох үлэ ыытыллыбытын кэпсэттилэр.

Саха сирэ «Тыа сирин туруктаах сайыннарыы» бырагырааманан бүтүн дойду үрдүнэн биир бастыҥнар кэккэлэригэр сылдьар. Оттон бу бырагырааманан Хомустаах Иккис нэһилиэгэр «Сэргэлээх» кыбаартал тутулла турар. Силигин ситэрэ чугаһаата диэн уонна тутуу хайдах баран иһэрин, салгыы туох былааннаахтарын туһунан сиһилии нэһилиэк баһылыга Лев Новгородов кэпсээтэ.

Ол кэнниттэн Бөтүҥ нэһилиэгэр икки бааһынай хаһаайыстыбаҕа сырыттылар. «Дайыына» КФХ салайааччыта Надежда Попова уонна Анна Сивцева КФХ хаһаайыстыбаларын кэҥэтэр сыаллаах, граҥҥа кыттан ылбыт субсидияларыгар улахан хотоннор тутууларын саҕалаабыттарын көрдөрдүлэр. Үүтү туттарыы, субсидияны эрдэ биэрии боппуруостарын ырытыстылар.

Нам сэлиэнньэтигэр «Эрэл» ТХПК үүтү астыыр собуотугар директор Нюргун Феофанов оҥорон таһаарар бородууксуйатын билиһиннэрдэ, инники былааннарын кэпсээтэ. Билиҥҥи собуот кыамтата намыһах буолан, инникитин урукку комбикормовай собуот сиригэр саҥа улахан собуоту тутуон баҕалаахтарын туһунан эттэ.

Салгыы Хамаҕатта нэһилиэгэр Александр Жирков оҕуруот аһын үүннэрэр бааһынатыгар сырыттылар. Быйыл 35 га хортуоппуй, 3 га хаппыыста, 5 га моркуоп, 2 га сүбүөкүлэ уонна 25 га эбиэс ыста. Инники өттүгэр сирин улаатыннаран кормопроизводствоҕа үлэлэһиэн баҕарар.

Михаил Викторович Нам улууһун тыатын хаһаайыстыбата олоҕу кытта тэҥҥэ хардыылыыр, араас бырайыактарга, куонкурустарга кыттан өссө тирэхтээхтик сайдарыгар баҕа санаатын үллэһиннэ. Саҥа сүүрээннэри киллэриигэ улууска кыах баарын тоһоҕолоото.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23