Николай Кайданов бааһынай хаһаайыстыбата былырыын “Агротуризм” хайысхатынан өрөспүүбүлүкэ гранын сүүйбүт уонна быйыл 70 миэстэлээх хотон арыйан үлэлэтэн эрэр. Хотоҥҥо күнтэн эньиэргийэ ылар батарыайалары туруорбуттар. Ол туһунан улуус пресс-сулууспата иһитиннэрэр.
Бу күннэргэ Абаҕа нэһилиэгэр Николай Кайдалов бааһынай хаһаайыстыбатын саҥа хотонун үөрүүлээхтик арыйдылар. Саха боруода ынаҕын иитэр комплекс Харама хайатын тэллэҕэр тутуллубут. Биллэрин курдук Харама хайатыгар сайын аайы туристар сөбүлээн сылдьаллар. Манна “Үрүҥ мамонт” туористическай комплекс үлэлиир.
Фермердар туристары саха ынаҕын боруодатын кытары билиһиннэрэр баҕалаахтар. Комплекска ыалдьыттаабыт дьон саха боруода ынаҕын үүтүттэн оҥоһуллубут бородууксуйаны боруобалыахтарын сөп.
-
0
-
0
-
0
-
0
-
0
-
0
