Өрөмүөн төлөбүрүн толуйаллар дуо?
Издательский дом Редакция Подписка
Погода в Якутске: . -2 oC

70-тан үөһэ саастаах дьоҥҥо хапытаалынай өрөмүөн төлөбүрүн 50-тан 100%-ҥа диэри судаарыстыба толуйуон сөп. Онуоха бу чэпчэтиини РФ Дьиэҕэ-уокка кодекса олохтообута, оттон билигин эрэгийиэннэр таһымнарыгар эмиэ олохтонуохтаах.

70-тан үөһэ саастаах дьоҥҥо хапытаалынай өрөмүөн төлөбүрүн 50-тан 100%-ҥа диэри судаарыстыба толуйуон сөп. Онуоха бу чэпчэтиини РФ Дьиэҕэ-уокка кодекса олохтообута, оттон билигин эрэгийиэннэр таһымнарыгар эмиэ олохтонуохтаах.

Маннык чэпчэтии баарын уонна туох усулуобуйалааҕын социальнай харалтаттан эбэтэр хапытаалынай өрөмүөн операторыттан билиэххэ сөп.

 Ким туһанар бырааптааҕый?

Биир уонна онтон элбэх үлэлээбэт биэнсийэлээҕи эбэтэр I-II группалаах инбэлиити кытта олорор үлэлээбэт биэнсийэлээхтэр 70 саастарын ааспыт буоллахтарына.

Сааһынан буолбакка, атын көрдөрүүнэн өрөмүөн сыанатын эмиэ толуйтарыахха сөп. Холобур, I уонна II группалаах инбэлииттэр, Аҕа дойду Улуу сэриитин кыттыылаахтара уонна кинилэр дьиэ кэргэттэрэ, бойобуой дьайыылар бэтэрээннэрэ, Чернобыллааҕы АЭС саахалыттан эмсэҕэлээбиттэр. Маныаха чэпчэтиинэн туһанааччы дьиэ бас билээччитэ буолуохтаах.

 Толуйуу кээмэйэ төһөнүй?

   Ону дьиэ иэнин нуорматынан уонна эрэгийиэҥҥэ хапытаалынай өрөмүөҥҥэ көрүллэр алын усунуоһунан суоттууллар. Хас иэҥҥэ төһө чэпчэтии нуормаларын дьаһалтаҕыт саайтыгар  киирэн көрүөххүтүн сөп. 70-тан үөһэ саастаах биэнсийэлээхтэргэ хапытаалынай өрөмүөн 50%-а төлөнөр. 80-тан үөһэ саастаахтарга -- 100%.

Холобур: эрэгийиэҥҥэ хапытаалынай өрөмүөн алын усунуоһа 20,99 солкуобай, соҕотох биэнсийэлээх дьиэтин иэнин нуормата 33 кв.м. буоллаҕына, ыйга 692,97 солкуобайы төлүүр. 73 саастаах биэнсийэлээх 50% толуйууну ылар бырааптаах. Ол аата киниэхэ 346,34 солкуобай төлөнөр. Биэнсийэлээх 50 кв.м. иэннээх кыбартыыраҕа олорор буоллаҕына, толуйууну нуормаҕа олоҕуран ылар. Оттон хаалбыт иэнин усунуоһун бэйэтэ төлүүр.

  Чэпчэтиини ыларга тугу гынабыт?

 Сайабылыанньаны социальнай харалта эбэтэр МФЦ-га, сорох эрэгийиэннэргэ «Госуслуги» портал нөҥүө биэриэххэ наада. Биир олорор дьиэҕэ чэпчэтии биирдэ оҥоһуллар.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Экономика

Эбии үбүлээһин көрүлүннэ

Уһук Илин федеральнай уокурук эрэгийиэннэрэ «биир кэлим субсидиянан» эбии үп-харчы…
01.10.22 22:36