Эмблема ааптара - Үөһээ Бүлүү оройуонун олохтооҕо, худуоһунньук Геннадий Былков.
«Үбүлүөйдээх ыһыах Арассыыйаҕа норуоттар култуура нэһилиэстибэтин уонна Саха АССР тэриллибитэ 100 сылыгар ананан үрдүк таһымнаахтык ыытыллыахтаах. 2020 сылтан бэлэмнэнии тэрээһиннэрэ былааннаахтык ыытыллыбыта. Эбийиэктэри тутууга уонна өрөмүөннээһиҥҥэ улахан үлэ барда", - диэн эрдэ Ил Дархан Айсен Николаев бэлиэтээбитэ.
Эмблемаҕа Хотун
Бүлүү өрүс ийэтин уобараһа ойууланар - Саха сиригэр баар үгүс аһатааччы-Ийэ өрүстэр уобарастарын сирэйдээн көрдөрөр.
Ийэ кут сырдык мөссүөнэ - олоҕу бэлэхтээччи уонна дьиэ кэргэн уотун-күөһүнүн харыстааччы.
Култуура уонна духуобунай сайдыы миниистирин бастакы солбуйааччы Владислав Левочкин Үөһээ Бүлүү оройуонугар 2022 сыл төрөөбүт тыл эбэтэр «ийэ тыл» сылынан уонна өрөспүүбүлүкэҕэ Ийэ уонна Арассыыйаҕа норуоттап култуура нэһилиэстибэтин сылынан биллэриллибитин бэлиэтиир. Итини таһынан уруһуйга Арассыыйаҕа норуоттар култуурунай нэһилиэстибэлэрин ойуулуур илин кэбиһэр ойууланар.
Хотун Бүлүү Ийэ-өрүс алгыһын ылан, кыыс ытыһыттан, Ытык Чыыбыстаан - Ийэ тыл иччитэ, сыыдамнык көтөн сыдьаайар. Көтөр-иһитиннэрээччи Олоҥхо ыһыаҕар ыҥырар, орто дойду дьонун-сэргэтин көрдөһүүлэрин сырдык айыыларга тиэрдэрин көрдөрөр. Алгыстаах сиргэ оһуохай үҥкүүтэ түҥ былыргыттан дьон-сэргэ сэҥээриитин ылар, түмсүүлээх буолууну көрдөрөр.
Санатан эттэххэ, Олоҥхо ыһыаҕын ыытыы көрүҥүн туһунан быһаарыы оройуон киинигэр санитарнай-эпидемиологическай балаһыанньаттан уонна вакцинация тэтимиттэн көрөн ылыллыаҕа.
-
0
-
0
-
0
-
0
-
0
-
0
