Солоҕоҥҥо дьону көһөртөөн эрэллэр
Издательский дом Редакция Подписка
Погода в Якутске: . 6 oC

 Горнай улууһун Бэс Күөлэ уонна Өрт сэлиэнньэлэригэр муҥутуур бэлэмнээх буолуу эрэсиимин биллэрдилэр.

 Горнай улууһун Бэс Күөлэ уонна Өрт сэлиэнньэлэригэр муҥутуур бэлэмнээх буолуу эрэсиимин биллэрдилэр.

Нэһилиэк олохтоохторун сэрэттилэр, итиэннэ куттал улаатар түгэнигэр, эвакуацияҕа бэлэм буоларга эттилэр.

Оройуон диспетчерскэй сулууспата иһитиннэрэринэн, ыам ыйын 13 күнүгэр Бэс Күөлүн Түгүйээнэ үрэҕэ биир сууккаҕа 32 см. үөһэ тахсыбыт. Ууга былдьыаныах балаһыанньаҕа 5 дьиэ турар.

Олохтоох дьаһалта балаһыанньа уустугурар түгэнигэр, дьону куттала суох сиргэ көһөрөргө анал пууннары бэлэмнээбит. Дьиэлэргэ ууну ыыппат туһугар, быһыт оҥороору, кумах тиэйбиттэр. Нэһилиэнньэ балаһыанньаны өйдүүр буолан, эвакуация кэмигэр аймахтарынан барарга бэлэм. Уу кэлиитэ бытаан эрээри, тохтообокко биир күдьүс суккуллар-кутуллар. Чуолкайдаатахха, маҥнайгы олбуорга киирээри ыган турар.

Оттон Солоҕоҥҥо (Өрт) балаһыанньа өссө уустук. Манна уу таһыма Хаар Балаҕан үрэххэ үрдүү-эбиллэ турар.

1 1

Ыам ыйын 13 күнүгэр 19:00 чааска үрэх үрдүгэ 3 миэтэрэҕэ тэҥнэспит этэ, оттон гидропост критическэй нуормата - 2 м 73 см буолуохтаах эбээт.

Икки кыбартыыралаах 4 дьиэттэн 16 киһи көһөргө бэлэм олорор, итинтэн 5 оҕо.  Маны тэҥэ 11 төбө сүөһү, ол иһигэр 4 ыанар ынах.        Икки эбийиэк – хочуолунай уонна спорт саалата -- төгүрүччү ууга тураллар. Арыы сыаҕар барар уулусса быстыбыт. Кыбаарталынай хочуолунай үлэтин тохтоторго күһэллибит. ОДьКХ үлэһиттэрэ эбийиэги дьуһуурустубанан маныыллар. Халаан уута Өрт-Дьиикимдэ суолугар биир сиринэн быһыты алдьаппыт.

7b99fccf c93d 4390 92cd 52048c69adf5

Н.Р. Степанов аатынан уулусса 26-с нүөмэригэр турар икки кыбартыыралаах дьиэ ууга былдьаммыт. Уу таһыма дьиэлэрин муосталарыттан 33 см. үөһэ тахсыбыт. 10 киһи, ол иһигэр 6 оҕо көспүттэр. Чаранская уулусса 2-с нүөмэрдээх икки кыбартыыралаах дьиэтиттэн 4 киһи көһөрүллүбүт, олортон 1 оҕо. Уу муостаны таһыйан эрэр.

Бу дьон  аймахтарыгар олороллор.

Олохтоох дьаһалтаҕа 3 киһиэхэ быстах кэмҥэ олорорго усулуобуйаны тэрийбиттэр, манна билиҥҥитэ биир киһи баар.

Горнайга маны тэҥэ суоллар ууга баран эрэллэр. Кэптин нэһилиэгэр диэри муниципальнай суол сорох учаастактара быстыбыт.

6040cf65 e770 4a09 bf87 d35c8520e9a2

Балаһыанньаны суһал сулууспалар кэтииллэр.

Олохтоохтор улахан уу кэлиитин былырыыҥҥы ойуур баһаардарын кытары ситимнииллэр. Ол курдук, тыа маһа лаппа аччаан, хаар уутун  иҥэриммэккэ, чалбах буолан халыйар.

Сотору кэминэн олохтоохтору, дьаһалтаны кытта кэпсэтиибитин таһаарыахпыт, күүтүҥ.

  • 2
  • 0
  • 0
  • 6
  • 2
  • 1

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Общество

Уолаттарга эрэл улахан

Ытыктанар-убаастанар Петр Анатольевич Баишев этэринии: “Хатаска киэҥ нэлэмэн Сахабыт…
26.05.22 15:46