Олохтоохтор бэлэмнэр
Издательский дом Редакция Подписка
Погода в Якутске: . 6 oC

Горнай улууһун Өрт сэлиэнньэтигэр уу таһыма үрдээтэ. Балаһыанньаны сиһилии билсэ, «Солоҕон нэһилиэгэ» МТ баһылыга Алексей Захаровтыын кэпсэттибит.

Горнай улууһун Өрт сэлиэнньэтигэр уу таһыма үрдээтэ. Балаһыанньаны сиһилии билсэ, «Солоҕон нэһилиэгэ» МТ баһылыга Алексей Захаровтыын кэпсэттибит.

— Билигин даҕаны уубут кыралаан эбиллэ турар. Бэҕэһээ сарсыарда 6 чааска 1 миэтэрэ 90 см этэ, билигин биир чаастааҕы түмүгүнэн 3 миэтэрэ 20 см. Ол эбэтэр суукка иһигэр 1 миэтэрэ 30 см эбилиннэ. Муҥутуур көрдөрүү 2 миэтэрэ 73 см буолуохтааҕын, биһиэнэ 47 см таһымы тахсан турар.

203555b6 591d 4712 86d0 0310935f5095

Дьиэлэр, социальнай эбийиэктэр ууга бардылар. Иккилии кыбартыыралаах 4 дьиэбит барар кутталлаах, уу тэлгэһэлэригэр киирдэ. Ол эрээри билиҥҥитэ муосталарын таһыйа илик. Степанов аатынан уулусса 26-с дьиэтэ ууга былдьанна. Муоста үрдүнэн 33 см тахсан турар. Бу дьиэттэн 10 киһини аймахтарынан ыыттыбыт, олортон 6-та оҕо. Түөрт дьиэттэн 16 киһи  ыалларынан барыахтаах, балартан 7-тэ оҕо. Барыта быһаарыллан турар. Сүөһүлэри эмиэ куттала суох сиргэ илдьибиттэрэ.

Дьон уу кэлэригэр бэлэмнэр. Малларын дьиэ кырыыһатыгар төһө кыалларынан харайа сатаатылар. Дьиҥэр, уу сылын ахсын кэлэр, онон олохтоохтор үөрүйэхтэр.

Социальнай эбийиэктэри таарыйдахха, хочуолунайга бэҕэһээ уу киирэн, муосталарын таһыйан, үлэтин тохтотон турабыт. Бу уу түһүөр диэри. Бүгүн 1 чаас туругунан муостаттан үрдүгэ 34,5 см. Носуостарын, малларын барытын үөһэ таһаардылар. Уу түстэҕинэ, холбоон, ититиини биэриэхпит.

Үлэһиттэр таас чохторун үрдүк сиргэ томточчу астылар, уу илдьибэтигэр бэлэмнэр, дьуһуурустубалыыллар. Күһүн оттуллуохтаах уматык баар.

Спортсаала тула уу эрээри, муоста үрдүнэн охсо илик. Бэрдьигэстээх-Дьиикимдэ хайысхатынан суолбутугар биир быстыы баарын  оҥорон бүтэрдилэр.

2

3

 Биһиги хайысхабытыгар, Мытаах-Өрт, быстыы суох, этэҥҥэ курдук. Арай бөһүөлэккэ киирии алдьанна, ол эрээри атын сиринэн эргийэн сылдьар суол баар.

3d4456e2 6fa8 407f b14c 02b1cf8911f8

Уу киирэ турдаҕына, билиҥҥи туругунан, хайдах даҕаны быһыт оҥоһуллубат. Эрдэ эбэбитигэр уу кутар, нүөлсүтэр шлюз-регулятор турбута. Быһыттаах этибит. Ол көмөтүнэн 200-тэн тахса га оттуур сирбитин нүөлсүтэрбит, бырахтаран,  быһыттаан, күөл оҥорбуппут. Ол эбэбититтэн ууланан олорбуппут. 2019 сыллаах халаан кэмигэр шлюз-регулятор алдьаммыта. Онон билигин үрэх бэйэтин дьаалытынан устар. Маныаха саҥардарга үлэ барар. 2020 сыллаахха демонтажтаабыттара. Быйыл шлюз-регулятор өрөмүөнүгэр бырайыагын, экспертизатын, тиэхэньиичэскэй сорудаҕын оҥорбуппут. Ол эрээри  үп суоҕунан эһиилгигэ көһөрдүлэр.

Маны тэҥэ айылҕа харыстабылын министиэристибэтэ 2023 сылга Хаар Балаҕан үрэххэ дириҥирдии, көннөрүү, сүнньүн ыраастыыр үлэлэри ыытыахтаах. Бырайыага баар, 2023 сылга федеральнай бүддьүөттэн харчы ылар былааннаахпыт.

Оройуон суһал ыстаабын кытары ыкса үлэлиибит. Билигин Өрт сэлиэнньэтигэр СӨ нэһилиэнньэтин олоҕор-дьаһаҕар куттал суох буолуутун хааччыйар судаарыстыбаннай кэмитиэт салайааччыта Дмитрий Лепчиков анал бөлөҕү кытары айаннаан иһэр.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Общество

Уолаттарга эрэл улахан

Ытыктанар-убаастанар Петр Анатольевич Баишев этэринии: “Хатаска киэҥ нэлэмэн Сахабыт…
26.05.22 15:46