Сиһилии Николай Васильевич туох үлэ барбытын туһунан кэпсиир:
- Бүгүн, бэс ыйын 5 күнүгэр Маар нэһилиэгэр Ньурбатааҕы ойуур хаһаайыстыбатын тэрилтэтин, ГАУ "Якутлесресурс" Ньурбатааҕы филиалын үлэһиттэригэр "Рослесинфорг" тэрилтэ минерализованнай балаһа кэтитин, дириҥин, баһаары утары разрывтар хайдах оҥоһуллалларыгар үөрэтии ыыттылар. Салгыы "Рослесинфорг" үлэһиттэрэ биир ыйга Ньурбаҕа үлэлии хаалыахтара.
Билиҥҥи күн-дьыл туругунан II-III кылаастаах баһаарынай кутталы көрдөрөр. Оттон өрөспүүбүлүкэ үрдүнэн ыллахха, ааспыт сыл ыам ыйын ортотуттан баһаардар саҕаламмыт буоллахтарына, быйыл этэҥҥэбит.
ФБУ "Авиалесохрана" сылын аайы Арассыыйа субъектарыгар баһаары утары бэрэбиэркэ ыыппытын түмүгүнэн, быйыл сайын куйаас буолуо диэн сабаҕалыыр. От ыйыттан саҕалаан Саха Сирин соҕуруу өттүгэр, Ньурба улууһугар атырдьах ыйыгар куйаас күннэр туруохтара. Куйаас кэмҥэ кураанах этиҥ, чаҕылхан кэнниттэн, биитэр дьон дьалаҕайыттан V кылаастаах баһаарынай прогнозка олус элбэх баһаар тахсыан сөп.
Баһаар турбатын туһугар өрөспүүбүлүкэ үрдүнэн ойуур хаһаайыстыбатын тэрилтэлэрэ баһаары утары сэрэтии, пропаганда үлэлэрин эрдэттэн ыытыы үлэтэ барар. Баһаар утары үлэҕэ формированиеларбыт тэрээһинэ, үбүлээһинэ, хааччыллыыта үчүгэй, оперативность үрдүөхтээх. Субъектарынан кэтиир уонна умулларар сирдэрбит улааттылар, -диэн түмүктээтэ.
Хаартыска: "Ньурба уоттара" хаһыат саайтыттан
-
0
-
0
-
0
-
0
-
0
-
0
