Издательский дом Редакция Подписка
Погода в Якутске: . -11 oC

Муус устар 8 күнүгэр Дмитрий Ходулов аатынан Майатааҕы норуот айымньытын дьиэтигэр ырыа улахан бырааһынньыга түстэннэ. 

Муус устар 8 күнүгэр Дмитрий Ходулов аатынан Майатааҕы норуот айымньытын дьиэтигэр ырыа улахан бырааһынньыга түстэннэ. 

Бу күн СӨ култууратын үтүөлээх үлэһитэ, Мэҥэ Хаҥалас улууһун Бочуоттаах олохтооҕо, «Гражданскай килбиэн», «Норуот билиниитэ» Бочуот бэлиэлэрин хаһаайката, мелодист, ырыаһыт Галина Никитична Шахурдина 75-с сааһыгар анаммыт «Салгыбаппын тапталы туойартан» өрөспүүбүлүкэтээҕи  ырыа күөн күрэһигэр 70 сайаапканан 168 кыттааччы тоҕуоруһа муһунна. Ыраах улуустартан: Орто Халыматтан, Кэбээйиттэн, Томпоттон -- тиийэ кыттааччылар кэлбиттэрэ сөхтөрдө, тэрээһин географиятын кэҥэттэ.

Дьүүллүүр сүбэҕэ СӨ норуодунай артыыһа, СӨ Ырыа айааччыларын сойууһун Бэрэссэдээтэлэ Алексей Васильевич Егоров салайааччынан, ону сэргэ РФ үөрэҕириитин туйгуна, СӨ култууратын үтүөлээх үлэһитэ, “Гражданскай килбиэн” бэлиэ хаһаайына Павел Павлович Егоров, СӨ култууратын үтүөлээх үлэһитэ, Д.Ф. Ходулов аатынан култуура киинин сүрүннүүр үлэһитэ, бырайыак ааптара Сардана Ревовна Осипова, СӨ култууратын туйгуна, продюсер Антон Владимирович Иванов, Култуура уонна духуобунай сайдыы салалтатын методическай киинин салайааччыта, «Дьүрүлгэн» улуус ырыа айааччыларын түмсүүтүн салайааччыта Галина Артемовна Сосина чилиэннэринэн үлэлээтилэр.

Дьүүллүүр сүбэ бииртэн биир ураты талааны көрөн сыаналыырыгар судургута суох түгэннэр тахса сырыттылар. Чуолаан кыттааччылар репертуардарын талыыта табыллыбытын уонна анаан бэлэмнээх кэлбиттэрин сылдьыбыт эрэ дьон бэлиэтээтилэр.

Түмүккэ бастыҥнар анал ааттары ыллылар:

Ырыа куттаах дьүөгэлиилэр” анал аат иҥэрилиннэ -- Мэҥэ Хаҥалас улууһун Төҥүлү нэһилиэгиттэн “Айыллаана” вокальнай ансаамбылга, салайааччы Анна Петухова. Бирииһи олохтоото Мэҥэ Хаҥалас улууһун култуураҕа уонна духуобунай сайдыыга салалтата, салайааччы Дмитрий Иванович Аргунов.

Ымыылаах ырыаһыттар” анал аатынан наҕараадаланнылар -- Нам улууһуттан “Ай-ыллаа” вокальнай ансаамбыл, салайааччы Ирина Винокурова. Бирииһи Мэҥэ Хаҥалас улууһун култуураҕа уонна духуобунай сайдыыга салалтата.

“Ырыаҕа бэриниитин иһин” анал ааты мөккүөрэ суох сцена ветерана, Наахара нэһилиэгиттэн Дмитрий Захаров ылла. Бирииһин Мэҥэ Хаҥалас улууһун култуураҕа уонна духуобунай сайдыыга салалтата олохтоото.

Кэскиллээх ырыаһыт” анал аатынан наҕараадаламмыт Хорообут талааннаах күтүөтэ Алексей Слепцов куонкурус арыйыытынан буолла. Талааннаах ыччат авторскай ырыатын дьүүллүүр сүбэ биһирээтэ. Бирииһи олохтоотулар -- Төҥүлү нэһилиэгин “Эйгэ” култуура киинин коллектива, салайааччы Александра Федоровна Баишева.

Иэйиилээх куолас” анал аат туттарыллынна -- Уус Алдантан сылдьар Константин Ивановка. Бирииһи олохтоото --Тумул нэһилиэгин култуура киинин коллектива, салайааччы Акулина Силиновна Власова.

Кэрэхсэбиллээх куолас” анал аатынан наҕараадаланна --Уус Алдан талааннаах ыччата, Хаатылыма күтүөтэ Владислав Лукачевскай. Бирииһи олохтоото -- «Ассорти» хааччахтаммыт эппиэтинэстээх тэрилтэ, салайааччы Михаил Юрьевич Корнилов.

Бастыҥ авторскай ырыа” анал аат хаһаайынынан буолла -- Чурапчы Дириҥиттэн Марианна Макарова. Бирииһи олохтоотулар -- «Пластмастер» хааччахтаммыт эппиэтинэстээх тэрилтэ, салайааччы Сергей Михайлович Холмогоров уонна «Дьүрүлгэн» улуус ырыа айааччыларын түмсүүтүн салайааччыта Галина Сосина.

Көрөөччү биһирэбилэ” анал ааты Наахараттан Варвара Никанорова ылла. Бирииһи олохтоотулар -- урбаанньыт Егор Егорович Шестаков уонна Мэҥэ Хаҥалас улууһун култуураҕа уонна духуобунай сайдыыга салалтата.

Бастыҥ уус-уран салайааччы” аата Намтан сылдьар Афанасий Татариновка ананна. Бирииһи олохтоото Мэҥэ Хаҥалас улууһун култуураҕа уонна духуобунай сайдыыга салалтата.

сылгы дь

Анал ааттары таһынан күрэс дьүүллүүр сүбэтэ уонна ытыктыыр биир дойдулаахпыт Галина Шахурдина анал бириистэрэ туттарылыннылар.

Куонкуруһу биир саамай киэргэтээччилэринэн саарбаҕа суох үгүс ахсааннаах баянистар буоллулар. Кинилэртэн бастыҥҥа Галина Никитична бэйэтин «Бастыҥ доҕуһуол» анал бирииһин анаата. Бу күн үөрүү өрөгөйүн Балыктаахтан Иван Прибылых биллэ уонна уу харчынан ытыктанар киһибит тус бириэмийэтин тутта.

СӨ култууратын үтүөлээх үлэһитэ, биллиилээх ырыаһыт Сардаана Осипова «Галина Шахурдина ырыатын бастыҥ толорооччу» анал бирииһэ Хорообуттан Петр Сергучевка ананна. Петр бу күн Галина Шахурдина «Баян» диэн саҥа ырыатын олус иэйиилээхтик толордо.

Галина Никитична олохтообут анал бирииһин Чурапчы Дириҥиттэн «Алаас кыргыттара» вокальнай ансаамбыл ыллылар, салайааччы Фекла Попова. Кинилэргэ «Галина Шахурдина ырыатын бастыҥ бөлөҕүнэн толоруу» диэн үрдүк сыанабыл ананна.

Продюсер Антон Иванов салайар «Добун» студиятыгар ырыа оҥоруутугар анал бирииһин Төхтүр талааннаах ыччатыгар Айыына Харабаеваҕа туттарда.

Галина Никитична Шахурдина 75-с сааһыгар анаммыт «Салгыбаппын тапталы туойартан»ырыа күөн күрэһин лауреаттарынан уонна дипломаннарынан буоллулар:

сылгы ҥ

18 – 40 сааһыгар диэри саастаах кыттааччыларга:

Үһүс ст. дипломант үрдүк аата туттарылынна Терентий Егоровка. Бирииһи олохтоото -- Тумул нэһилиэгин олохтоох дьаһалтата, аҕа баһылык Николай Прокопьевич Сивцев.

Иккис степеннээх дипломунан наҕараадаланна Айыына Харабаева, Төхтүр бөһүөлэгэ. Бирииһи олохтоото -- Марина Константиновна Попова-Эдьиий Марыына аатынан Майатааҕы оҕо искусство оскуолатын коллектива, салайааччы Василий Егорович Захаров.

Бастакы степеннээх дипломанынан ааттанна Томпо улууһуттан «Үргэл» вокальнай ансаамбыл, салайааччы Линда Захарова. Бирииһи олохтоото -- Мэҥэ Хаҥалас улууһун култуураҕа уонна духуобунай сайдыыга салалтата.

Үһүс степеннээх лауреат аатын ылла -- Хаатылыма талааннаах ыччата Зинаида Лукачевская. Бирииһи олохтоото -- Балыктаах нэһилиэгин олохтоох дьаһалтата, аҕа баһылык Александр Валерьевич Куприянов.

Иккис степеннээх лауреат добун суругунан наҕараадаланна -- Сунтаартан Карина Попова. Бирииһи олохтоото -- Дмитрий Федорович Ходулов аатынан Майатааҕы норуот айымньытын дьиэтэ, салайааччы Василий Павлович Винокуров.

Бастакы степеннээх лауреат үрдүк аата мөккүөрэ суох ананна -- Томпоттон Линда Захароваҕа. Бирииһи олохтоото -- «Майа сэлиэнньэтэ» тыа сирин түөлбэтин дьаһалтата, аҕа баһылык Дмитрий Иванович Тихонов.

40 саастарыттан үөһэ саастаах кыттааччыларга:

Үһүс степеннээх дипломант үрдүк аата туттарыллынна -- Петр Сергучевка. Бирииһи олохтоото -- Мэҥэ Хаҥалас улууһун култуураҕа уонна духуобунай сайдыыга салалтата.

Иккис степеннээх дипломунан наҕараадаланнылар -- Аллараа Бэстээхтэн Александра, Владимир Кузьминнар дьиэ кэргэннэрэ. Бирииһи олохтоото -- Марина Константиновна Попова-Эдьиий Марыына аатынан Майатааҕы оҕо искусство оскуолатын коллектива, салайааччы Василий Егорович Захаров.

Бастакы степеннээх дипломанынан ааттанна -- Дьокуускай куораттан Михаил Санников. Бирииһи олохтоото -- Мэҥэ Хаҥалас улууһун култуураҕа уонна духуобунай сайдыыга салалтата.

Үһүс степеннээх лауреат аатын ыллылар -- «Алаас кыргыттара» дьахталлар вокальнай ансаамбыллара, салайааччы Фекла Попова. Бирииһи олохтоото -- Мэҥэ Хаҥалас улууһун култуураҕа уонна духуобунай сайдыыга салалтата, салайааччы Дмитрий Иванович Аргунов.

Иккис степеннээх лауреатынан ааттанна -- «Ситим» Балыктаах нэһилиэгин эр дьон вокальнай ансаамбыла, салайааччы Иван Прибылых. Бирииһи олохтоото -- Дмитрий Федорович Ходулов аатынан Майатааҕы норуот айымньытын дьиэтэ, салайааччы Василий Павлович Винокуров.

Бастакы степеннээх лауреат үрдүк аата туттарыллынна -- Сунтаартан сылдьар Иван Аммосовка. Бирииһи олохтоото «Майа сэлиэнньэтэ» тыа сирин түөлбэтин дьаһалтата, аҕа баһылык Дмитрий Иванович Тихонов.

«Салгыбаппын тапталы туойартан» ырыа өрөспүүбүлүкэтээҕи күөн күрэһин муҥутуур кыайыылааҕар «Мэҥэ Хаҥалас улууһа» муниципальнай оройуон дьаһалтата олохтообут 75 тыһыынча суумалаах сертификата туттарылынна. Бу күн сылдьыбыт көрөөччүлэр даҕаны сүрэхтэрин сүүйэн, таһымнаах дьүүллүүр сүбэ үрдүк сыанабылын ылан, туох да саарбаҕа суох Кылаан ааты Намтан сылдьар «Добун» эр дьон вокальнай ансаамбыла ылла.

Кыайыылаахтары эҕэрдэлээн туран, үөрүүлээх быһыыга-майгыга улуус баһылыгын эбээһинэһин кылгас кэмҥэ толорооччу Семен Семенович Потапов туоһу Добун суругун уонна сертификаты ытыс дохсун тыаһыгар доҕуһуоллатан туттарда. Ансаамбыл уус-уран салайааччыта, СӨ култууратын туйгуна Афанасий Татаринов уһун кэмнээх сыралаах үлэтин бастыҥ түмүгүн бу күн бары манньыйа иһиттибит, ырыа куттаах Нам эр бэртэрин сэргээтибит, биһирээтибит.

сылгы 1

Тэрийэр хамыыһыйа аатыттан дириҥ истиҥ махталбытын бука бары күүс-көмө буолбут дьоммутугар, чуолаан ытыктыыр киһибитигэр Галина Никитичнаҕа, бары спонсордарбытыгар, тэрилтэлэр салайааччыларыгар, дьаһалталар баһылыктарыгар уонна Мэҥэ Хаҥалас оройуонун дьаһалтатыгар, баһылык Николай Прокопьевич Старостиҥҥа тириэрдэбит!

Өссө даҕаны Галина Шахурдина айбыт уохтаах, нарын тапталы туойар уостан түспэт ырыалара уостубакка ыллана турдуннар, хас да көлүөнэ тухары ураты иэйиинэн угуттаан, хас биирдии ыалы бигэ туруктаах оҥордуннар!

  • 1
  • 0
  • 0
  • 1
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23