Өрүс эстиитэ, муус барыыта
Издательский дом Редакция Подписка
Погода в Якутске: . 6 oC

Өрөспүүбүлүкэтээҕи МЧС Управлениетыгар Саха Сиригэр өрүс эстиитин туһунан кэпсээтилэр.

Өрөспүүбүлүкэтээҕи МЧС Управлениетыгар Саха Сиригэр өрүс эстиитин туһунан кэпсээтилэр.

Билигин Ленскэй улууһугар муус муҥутаан бара турар кэмэ. Орто Өлүөнэҕэ уу таһыма үрдээбитэ бэлиэтэнэр. Дьокуускай диэки муус ыам ыйын 16-18 күннэригэр барара күүтүллэр.

Өлүөхүмэ өрүс уутун таһыма 10-30 см үрдээбит, ыам ыйын 12-14 күннэригэр муус баран саҕалыахтаах. Битиим өрүс үөһээ тардыытыгар уу таһыма 5-15 см үрдээбитэ бэлиэтэнэр, ыам ыйын 12-14 күннэригэр барыахтаах.

Алдан өрүскэ уу таһыма 5-тэн 35 см тиийэ үрдүүрүн бэлиэтээтилэр. Сорох сирдэринэн тарыҥ тахсыбыт. Суон Тиит-Томмот учаастакка ыам ыйын 14-16 күннэригэр, оттон Мил-Петропавловскай-Элдьикээн учаастакка ыам ыйын 15-17 күннэригэр муус барара күүтүллэр.

Амма өрүскэ суукка иһигэр уу таһыма 60 см буолбут. Буйаҕа-Амма учаастакка кэлэр икки суукка иһигэр муус барыахтаах. Амма нэһилиэгин аттынан уу таһыма 265 см тиийбит. Оттон кутталы үөскэтэр таһым 924 см тэҥнэһэр. Бүлүү өрүскэ муус ыам ыйын 11 күнүгэр барда. Бу нуорматтан 3 суукканан эрдэ буолар. Өрөспүүбүлүкэ хотугу уонна хотугу-илиҥҥи өрүстэригэр кыһыҥҥы эрэсиим уларыйа илик.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Общество

Сырдыгы саҕааччылар

Сахабыт Сирин күөх быйаҥ кэһиилээх, сиэдэрэй сибэкки бэлэхтээх, дьырылас күөрэгэй…
27.05.22 08:43