Сергей Местников, СӨ Бырабыыталыстыбатын бэрэссэдээтэлин солбуйааччы:
--Саха Сирин норуоттарын оонньуулара саамай күүстээх спортсменнары, кыайыылаахтары быһаарарга эрэ тэриллибэт. Бу тэрээһин култуураҕа, уопсастыбаҕа, улуус сайдыытыгар эмиэ олус суолталаах. Ол курдук, Күлүмнүүр аатынан култуура дыбарыаһа, дьыссаат, 450 миэстэлээх оскуола тутулуннулар. Ону таһынан, бу оонньуулар көмөлөрүнэн олохтоохтор төрөөбүт улуустарын устуоруйатын, култууратын, манна олоро сылдьыбыт биллэр дьон туһунан кэпсиэхтэрин сөп. Барыгытын Уус Алдан Бороҕонугар буолар Саха Сирин норуоттарын оонньууларыгар ыҥырабын.
Алексей Федотов, Уус Алдан улууһун баһылыга:
-Биһиэхэ үгүс элбэх киэҥ далааһыннаах үлэ ыытыллар. Нэһилиэк өттүттэн дьон-сэргэ түмсэн үлэ-хамнас бара турар. Бүгүҥҥү күҥҥэ диэри Бороҕоҥҥо 266 субуотунньук тэрилиннэ. Онно 4000 кэриҥэ киһи кытынна. Сүрүн кыһалҕабыт диэн бириэмэ. Ол курдук, биһиэхэ барытын тэрийэргэ 3 сыл бэриллибитэ. Бу 3 сыл устата ыарыынан сибээстээн хааччахха олорбуппут. Онон кыахпытынан да буолбакка, кыахпыт таһынан тахсан бэлэмнэнэ сылдьабыт. Мин саамай эрэнэрим - дьонум-сэргэм, бииргэ үлэлиир кэллиэгэлэрим уонна салалтам. Онон бары этэҥҥэ буолуохха, бииргэ түмсэн үлэлиэххэ!
Оонньууларга анаан нэһилиэккэ эбийиэк барыта былаан быһыытынан тутулла турар. Улуус үлэһиттэрэ, биирдиилээн ыал бары дьиэ таһын көҕөрдүүгэ күүскэ үлэлээтилэр.
Ону тэҥэ, спартакиаданы тэрийээччилэр уонна судьуйалар анал спортивнай көстүүмнэрин уонна кыайыылаахтар мэтээллэрин дизайна бэлэм буолла.
Онон тэрээһин бары өттүнэн табыллан, үрдүк таһымнаахтык ааһыа диэн эрэнэбит.
-
6
-
0
-
0
-
0
-
0
-
0
