Сыана анныгар туран, “Оһуор”, итиэннэ “Дэйбиирдээх” үҥкүүлэр хамсаныыларын үүт-үкчү үтүктэн, артыыстартан хаалсыбакка үҥкүүлээбитэ -- онно баар көрөөччүлэри даҕаны, социальнай ситиминэн көрбүттэри да – барыларын сөхтөрдө.
Билсиҥ -- кырачаан үҥкүүһүт Данил Ударин!
--Данил бу саас кулун тутарга 5 сааһын томточчу туолбута. Билиҥҥитэ үҥкүү куруһуогар сылдьыбат. Үс ый буолла быһыылаах, үҥкүүнү интэриэһиргээбитэ, - диир ийэтэ Светлана Карловна.
Бэйэтэ ис-иһиттэн, олох астынан туран, үҥкүү хамсаныыларын үүт-маас үтүктэрин ийэтэ кэпсиир. YouTube ханаалга араас аныгы үҥкүүлэри көрөр уонна тэҥҥэ үҥкүүлэһэн иһэр үһү.
Ийэтэ кэпсииринэн, бу сахалыы үҥкүүлэри кулуупка репетиция кэмигэр көрөн ааспыт, ол иһин муусукатын истээт, туран үҥкүүлэспитинэн барбыт. Кэрэни кэрэхсиир дууһалаах кырачаан уолчаан кэнсиэрдэргэ булгуччу сайыһан барсар эбит. Эдьиийэ “Молодость Эркээни” ансаамбылга дьарыктанарын олус сэргиир, үҥкүүлүүрүн тонулуппакка одуулуур үһү.
“Аны бэҕэһээ турецкай үҥкүүнэн соһутта. Күн ахсын дьиэтигэр кэнсиэр көрдөрөн тахсар, биһигини үөрдэр” - диэн ийэтэ кэпсээтэ.
-
182
-
62
-
0
-
1
-
1
-
2
