Издательский дом Редакция Подписка
Погода в Якутске: . -12 oC

Бу курдук хомолтолоох сураҕы Үөһээ Дьааҥы оройуонун дьокутааттарын Сэбиэтин бэрэссэдээтэлэ Екатерина Ноговицына кэпсээтэ.

Бу курдук хомолтолоох сураҕы Үөһээ Дьааҥы оройуонун дьокутааттарын Сэбиэтин бэрэссэдээтэлэ Екатерина Ноговицына кэпсээтэ.

 Кини билигин төрөөбүт нэһилиэгэр Боронукка баар. Үс-түөрт хонуктааҕыта Боронук олоччу ууга барбыта. Сорох дьиэлэр кырыыһалара эрэ көстөн тураллар, оннук улахан уу тоҕо кутуллан кэлбитэ. Аҕам саастаахтар: “Бу уу өтөрүнэн түһүө суоҕа, уонча хонук маннык туруоҕа”, - дииллэр үһү.

боронук

   Дьааҥы улууһугар бу курдук улахан содуллаах, урусхаллаах уу кэлбитин, бэл, ытык кырдьаҕастар өйдөөбөттөр. От ыйын 9 күнүгэр Дьокуускайдааҕы УГМС “Дулҕалаах, Сартаҥ, Адыаччы үрэхтэрин уута эмискэ улаатта” диэн иһитиннэрбитэ. Баара-суоҕа 5 күн иһигэр Дьааҥы түөрт улахан нэһилиэгин (Суордааҕы, Дулҕалааҕы, Адыаччыны, Боронугу), кырдьаҕас Верхоянскай куораты олоччу, Боруулаах нэһилиэгин, Токума учаастагын түөлбэринэн ылла.

верхоян

Күүстээх уу тохтуур санаата суох, өссө да балысханнык кэлэ турар. Аны улуус киинигэр – Баатаҕай бөһүөлэгэр, итиэннэ Элгэс нэһилиэгэр улахан кутталы суоһаата. Баатаҕай олохтоохторугар бу сарсыарда “кытыы олорооччулар малларгытын өрө тардан, докумуоннаргытын ылан баран, дьиэлэргитин босхолооҥ” диэн иһитиннэрии тарҕанна.

скот

    

 Екатерина Ноговицына, Үөһээ Дьааҥы оройуонун дьокутааттарын сэбиэтин бэрэссэдээтэлэ:

– Дьааҥы улууһугар айылҕа улахан иэдээнэ кэллэ, нэһилиэги нэһилиэктэринэн олордон ылла. Бүгүн сарсыарда аны “Элгэһи ылаары ыксатан эрэр” диэтилэр. Баатаҕайга субу киирээри ыган турар. Боронукка уу 10 см түстэ эрээри, “өтөрүнэн түргэнник түһэн биэриэ суоҕа” диэн этэллэр. Олохтоохторго иһэр уунан, аһынан-таҥаһынан федеральнай, өрөспүүбүлүкэ быыһыыр сулууспатын үлэһиттэрэ хааччыйан олороллор.

         Уу урусхалын киһи тылынан кыайан эппэт. Дьон дьиэтэ-уота, мала-сала, хаһаайыстыбата, ото-маһа, оттуур ходуһата бүтүннүү ууга барда. Кыстыкка хаһаас диэн 60 туонна кур от баара, онтубутуттан ытыс соттон хааллыбыт. Тыа хаһаайыстыбатын министиэристибэтэ хаһаайыстыбаҕа уу содулун хорумньутун ааҕыахтаах, аахта оҥоруохтаах. Уу түстэҕинэ даҕаны, суолу-ииһи бүтүннүү суурайан барда, от-мас хара ньаҕыр бадараанынан бүрүлүннэ. Ууга барбатах ыраах ходуһаларга отчуттары бөртөлүөтүнэн таһарга көмө оҥоһуллуон наада. Боронук – элбэх тиэхиньикэлээх нэһилиэк. Тиэхиньикэ бөҕө ууга барда. “Уу иһэр” диэн дьон малын-салын өрө тардынан, кырыыһаларыгар таһаартаабыттара. Олору эмиэ ылла. Кырдьаҕас дьоммут үйэлэрин тухары үлэлээн мунньуммут малларын-саллара, иһиттэрэ-хомуостара ууга барда.

куруе 1

         Верхоянскай куорат, Дулҕалаах, Суордаах, Боронук, Адыаччы нэһилиэктэрэ “теплосеть”-тээхтэрэ. Ол барыта уу анныгар турар. Сытыйан бүттэҕэ. Уу түстэҕинэ, барытын көтүрэн, куурдан баран, саҥалыы бүрүйэн оҥоруохха наада. Социальнай эбийиэктэрбит олус ыарахан балаһыанньалаахтар. Холобур, тутуллубуттара ырааппыт, эргэ уһуйааннарбыт, оскуолаларбыт хас да күнү быһа ууга туран, өһүөлэрэ сытыйдылар, муосталара ууга уста сылдьаллар. Чох бөҕө ууга барда. Сибээспит быстар мөлтөх. Уу содулун, хорумньутун киһи ааҕан сиппэт. Билигин олохтоохтор куттара-сүргэлэрэ айманан, “шоковай” турукка сылдьаллар. Балаһыанньабыт, чахчы, олус уустук...

         Бэҕэһээ, от ыйын 14 күнүгэр, Ил Дархан Айсен Николаев хамыыһыйа тэринэн кэлэн барбыта. Олохтоохтору кытта көрсөн кэпсэппитэ, уу урусхалын, улуус балаһыанньатын, туох көмө оҥоһуллуон сөбүн көрбүтэ-истибитэ.

3 55

Өрөспүүбүлүкэттэн көмө баар. Ууга барбыт нэһилиэктэрбит оҕолорун, саастаах, доруобуйаларынан хааччахтаах дьону Дьокуускай реабилитационнай кииннэригэр, сонотуоруйдарыгар күн аайы анал рейсинэн илдьэллэр. Е.И. Михайлова салайыытынан үөрэх өттүгэр Дьааҥы оҕолоругар ХИФУ нөҥүө көмөнү оҥоруу туһунан кэпсэтиилэр бара тураллар. Улуустартан эрийэн, балаһыанньабытын ыйытылаһаллар, туох көмө наадатын сураһаллар.

2 59

***


         От ыйын 15 күнүгэр сарсыарда 11 чаас саҕана кэпсэттибит. Улахан уу чаас иһигэр киэҥ-нэлэмэн сири биирдэ тоҕо сотон ааһыан сөп. Айылҕа содула диэн, дьэ, оннук... олус хомолтолоох.

Диана КЛЕПАНДИНА.

  • 0
  • 0
  • 0
  • 0
  • 1
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением