- Халлаан тымныйыыта күүһүрэн, өрүскэ кыдьымах элбээтэҕинэ, катердар ороскуоттара үрдүүр. Онон, бу кэмҥэ бырайыас сыаната 1500 солк. 2000 солк. диэри үрдүүр. Оттон өрүс мууһа кыдьымахтаннаҕына, тарыып муҥутуур 3000 солк. диэри тиийиэ. Маннык түгэннэргэ айанньыттары, бастаан сымнаҕас олбохтоох суудуналарынан, онтон салгыы аэроботтарга көһөрөн тиэрдиэхпит. Муус туруутугар үөскээбит өрөһөлүү чөмөхтөрү ыраастаатахтарына, суудуналар харгыһа суох айанныыллар, бу кэмҥэ айан сыаната 1500 сол. тэҥнэһиэ», — диэн Борис Строев быһаарар.
Дьоҕус суудуналар күн ахсын Дьокуускай 202-с микрооройуонуттан уонна Аллараа Бэстээхтэн айанныыллар. Сарсыарда 7 чаастан киэһэ 19.00 чааска диэри үлэлиэхтэрэ. Маршрукка 20 сымнаҕас олбохтох суудуналар уонна биэс “Тайфун” аэроботтар үлэлииллэр.
Санатар буоллахха, халлаан туруга сылаас буолан, ыйыллыбыт хайысханан паром сырыытын, быһа холоон алтынньы 25-27 күннэригэр диэри уһатыллыбыта.
-
0
-
0
-
0
-
0
-
0
-
0
