Ол быһыытынан, орто анал үөрэх тэрилтэлэрэ бэйэлэрэ уһуйар хайысхаларынан араас бородууксуйаны, табаары оҥорон киэҥ ырыынакка таһаарыахтара, нэһилиэнньэҕэ өҥө оҥоруохтара. Киллэрбит үптэринэн базаларын хаҥаттыахтара, матырыйаал ылыныахтара. Оттон устудьуоннарга үөрэнэр сылларыгар, номнуо, үлэ ыстааһа ааҕыллан, үлэ киниискэтигэр суруллуо.
Даҕатан эттэххэ, өрөспүүбүлүкэҕэ 50-тан тахса орто анал үөрэх кыһата баарыттан, 10-чата бэйэтин кыаҕынан табаар оҥорон таһаарар.
Үөрэх министиэристибэтин идэтийбит тус сыаллаах үөрэхтээһиҥҥэ судаарыстыбаннай бэлиитикэҕэ департамен салайааччыта Иннокентий Оконешников бэлиэтииринэн, маннык статус оҥорон таһаарарга көҥүл биэрэр: “Бу иннинэ сорох түгэннэргэ ыарахаттардаах буолуон сөп этэ. Холобур, закупкаларга кыттан бородууксуйаларын батаралларыгар. Билигин орто анал үөрэх кыһалара бүддьүөтү таһынан эбии харчы киллэриэхтэрин сөп буолла. Маныаха устудьуоннары кытары үлэ дуогабара түһэрсиллэр, ыстаас ааҕыллар, хамнас төлөнөр”, - диэн эттэ.
-
0
-
0
-
0
-
0
-
0
-
0
