Издательский дом Редакция Подписка
Погода в Якутске: . -32 oC

Сылын ахсын үтүө үгэскэ кубулуйбут  үлэ бырааһынньыгын — «Муус күүлэйбитин»  нэһилиэк дьоно бары күүтэбит.  Бу да сырыыга күүлэйбит олус  тэрээһиннээхтик, сэргэхтик ааста диэн Абый улууһун Абый нэһилиэгин олохтооҕо Анна Чиркова иһитиннэрэр.

Сылын ахсын үтүө үгэскэ кубулуйбут  үлэ бырааһынньыгын — «Муус күүлэйбитин»  нэһилиэк дьоно бары күүтэбит.  Бу да сырыыга күүлэйбит олус  тэрээһиннээхтик, сэргэхтик ааста диэн Абый улууһун Абый нэһилиэгин олохтооҕо Анна Чиркова иһитиннэрэр.

Биэс  хамаанда муус ылыыга эрэ буолбакка, көрдөөх күрэхтэһиилэргэ  кытыннылар.   «Анньыы күрэҕэ», «Муус халытыыта», «Куру былдьаһыы» көрүҥнэргэ илин-кэлин былдьастылар. Көхтөөх ыалдьааччылар күрэхтэһээччилэргэ эбии күүһү-уоҕу, сэниэни-сылбаны эптилэр.   Тыҥааһыннаах киирсии түмүгэр 1 миэстэни  оскуола хамаандата, иккиһи Дьооску, үсүһү ЖКХ хамаандалара ыллылар, сыаналаах бириистэри туттулар. Анал номинация хаһаайыннарынан «Чулуу муус эрбээччи» Артур Неустроев, «Саамай уопуттаах» Василий Ядрихинскай, «Кэскиллээх муус ылааччы» Николай Васильев, «Технологиялар новатордара» Семен Рязанскай, «Кыайыыга дьулуурун иһин» эдэр ыччат хамаандата, «Бастыҥ форма таҥаһа» Дьооску хамаандата буоллулар.

Бу күн ылыллыбыт муус  кырдьаҕастарга, анал байыаннай дьайыыга сылдьар уолаттар төрөппүттэригэр таһаарылынна. Эдэр ыччат икки күнү быһа барыларыгар тиэйэн  биэрдэ.

Салгыы сыаналаах бириистээх лотерея оонньонно. Быйыл муҥутуур бирииһи — торбоһу «Стручков А.В» ИП туруорда. Маны таһынан балаакка, фрезернэй станок, гайковерт, саха быһаҕа о.д.а бириистэр оонньоннулар. Муҥутуур бирииһи 5-с кылаас   үөрэнээччитэ Яковлева Алиса сүүйдэ.

Күрэхтэһии спонордарыгар Слепцов Н.С., Эверстов С.Д., Бальчинова А.А., Дохунаев С.В., Черемкин А.П., Черемкин И.Г., Слепцов И.И., Слепцов В.В., Яковлев З.А, Стручков А.В., Стручков Е.В. администрация, олохтоохтор ааттарыттан барҕа махтал тылларын тиэрдэбит.

Тэрилтэ үлэһиттэрэ күнү быһа босхо итии аһынан, ис мииниттэн саҕалаан соркуойга, араас бурдук астарыгар тиийэ күндүлээтилэр.  Анал балааккаларга  итии чэй, кофе дэлэйдик хааччыллынна.

Анаабыт курдук сылаас күн туран биэрдэ. Мустубут дьон сүргэлэрэ көтөҕүллэн,  бииргэ алтыһан, дууһалыын сынньанан тарҕастыбыт. Үтүө үгэс буолбут үлэ бырааһынньыга сылтан сыл ахсын өрө көтөҕүллүүлээхтик, тэрээһиннээхтик ыытылла,  кыттааччыта элбии турдун диэн баҕарабыт.

2

3

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением