Эмиэ бу күн, 1893 сыллаахха — Бастакы Хайахсыт нэһилиэгэр Иван Винокуров, бэлиитикэ диэйэтэлэ күн сирин көрбүтэ. Кини араас сылларга Саха АССР совнаркомун бэрэстээтэлэ, доруобуйа уонна үөрэх наркома, эргиэн уонна бырамыысыланнас наркома, хааччыйыы наркома буола сылдьыбыта. Москубаҕа ВЦИК-ка Саха АССР бэрэстэбиитэлинэн олорон 1935 сыл тохсунньу 15 күнүгэр өлбүтэ.
ОЛ МИН ДОЙДУМ ЧУРАПЧЫ
Дьуон Дьаҥылы тыллара
Күөх кырсыгар күөлэһитэн,
Кырабыттан үлэлэтэн,
Мөҕөн-таптаан, миигин бачча
Киһи гыммыт баар — Чурапчы.
Хос ырыата:
Хатыҥнардаах, чараҥнардаах,
Хампа солко алаастардаах,
Оттуун-мастыын нарын-намчы
Ол мин дойдум — Чурапчы!
Бөҕөс, быһый ыччаттарбыт
Аан дойдуга аатырдылар.
Ойуун, артыыс, суруйааччы
Үөскүүр сирэ баар — Чурапчы.
Хос ырыата.
Үөрэх сырдык кыһатыгар
Сыралаһан үөрэтэн,
Билии төрдүн барытын
Биэрбит сирим баар — Чурапчы.
Сэмэн Жендринскэй, "Саҥа Олох", Чурапчы.
-
1
-
0
-
0
-
0
-
0
-
0
