Партия сэкирэтээрэ, улуус баһылыга Степан Саргыдаев, Президиум чилиэнэ, СӨ Ыччат дьыалатын уонна социальнай коммуникация миниистирэ Петр Шамаев, партия Саха Сиринээҕи салаатын сэкирэтээрин солбуйааччыта, өрөспүүбүлүкэтээҕи офтальмологическай балыыһа кылаабынай бырааһа Иван Луцкан, партия чилиэнэ, СӨ Култуура министиэристибэтиттэн Светлана Эверстова, Ил Түмэн дьокутаата Дмитрий Поисеев, партия чилиэннэрэ уонна бэтэрээннэрэ кыттыыны ыллылар.
СӨ Ыччат миниистирэ, байыаннай дьайыы бэтэрээнэ Петр Шамаев байыаннай дьайыыга партия уонна өрөспүүбүлүкэ көмөнү оҥоруутун туһунан сырдатта. Чурапчы нэһилиэгин баһылыга Владимир Сивцев нэһилиэк бу сыллар усталарыгар хайдах сайдан кэлбитин кэпсээтэ уонна инники былааннарга тохтоото. Кылаабынай быраас Николай Сивцев киин балыыһа үлэтин-хамнаһын, кэнники сылларга дьон доруобуйатын туһугар национальнай бырайыактарынан элбэх көмө оҥоһуллубутун эттэ. И.М. Павлов аатынан Чурапчы орто оскуолатын иитээччитэ Дмитрий Попов оскуола патриотическай хайысхатын, оҕолор ситиһиилэрин билиһиннэрдэ.
Иван Луцкан уонна Степан Саргыдаев партия бэтэрээннэрин көхтөөх кыттыыларын иһин түөскэ анньыллар бэлиэлээх махтал суругунан наҕараадалаатылар. Партияҕа саҥа киирээччилэргэ билиэттэр туттарылыннылар.
Петр Шамаев «СӨ Ыччат политикатын туйгуна» ааты Иннокентий Поисеевка уонна Сарыал Сивцевкэ иҥэрдэ.
Норуот дьокутаата, өрөспүүбүлүкэтээҕи офтальмологическай балыыһа кылаабынай бырааһа Иван Луцкан:
-- Чурапчыга партия 5 сыллаах үлэтин түмүгүн иһиттибит. Доруобуйа харыстабылыгар нэһилиэктэргэ биэлсэр-акушер пууннара, таас балыыһа иккис уочарата, материальнай-техническэй база тупсуута, тиэхиньикэнэн хааччыллыы күүһүрдэ. Дьоммут-сэргэбит урукку курдук МРТ, КТ түһэ куоракка айаннаабакка, миэстэтигэр көрдөрүнэр буоллулар. Айанныыр да буоллахтарына, үчүгэй асфальт суолунан тиийэр усулуобуйа оҥоһуллунна. Ити курдук олохпут тупсан иһэр, саамай сүрүнэ бу барыта дьон-норуот туһугар буолар.
СӨ Ыччат политикатын миниистирэ Петр Шамаев:
-- Бүгүн Чурапчыга байыаннай-патриотическай хайысхаҕа үлэ-хамнас күүскэ бара турарын көрдүм. Төгүрүк остуолга эмиэ оҕолорбутун, ыччаты дойдуга бэриниилээх буолууга иитии тула кэпсэттибит, бырайыактары көрдүбүт. Бу бырайыактары партия бырагырааматыгар киллэрэн, Арассыыйа таһымыгар таһаарыахха наада дии саныыбын.
Сонун төрдө уонна хаартыска: "Саҥа олох", Елена Макаринская
-
0
-
0
-
0
-
0
-
0
-
0
