Андрей Николаев, Ил Түмэн хонтуруоллуур кэмитиэтин бэрэссэдээтэлэ:
-- Хонтуруоллуур кэмитиэт уонна тус бэйэм ааппыттан Арассыыйа күнүнэн итиитик-истиҥник эҕэрдэлиибин! Бу биһиги дойдубутугар улахан суолталаах бырааһынньык. Ол курдук, 1990 сыл бэс ыйын 12 күнүгэр ылыллыбыт Судаарыстыбаннай суверинитет туһунан декларация биһиги дойдубут саҥа устуоруйатын кэрдииһин арыйбыта, дойдубут күүһүн, норуоттар бырааттыы сыһыаннарын кэрэһитэ, үтүө үгэстэрбит, духуобунай сыаннастарбыт бигэтин туоһута буолар.
Кыайыы 80 сылын көрсөр үбүлүөйдээх сылбытыгар Арассыыйа хас биирдии олохтооҕо дойдубут дьылҕатыгар үрдүк эппиэтинэстээҕин тус холобурунан көрдөрдө, биллэрдэ. Дойдубутугар бэриниилээх буолуу биһиги өбүгэлэрбититтэн кэлбит үгэспит буоларын буойуттарбыт, биир дойдулаахтарбыт дакаастаатылар. Инники кирбиигэ сылдьар биир дойдулаахтарбытынан киэн туттабыт. Кинилэргэ патриотизм күннэтэ этиллэр тыл буолбакка, олохторун сыаннастара, инники кирбиигэ сылдьар хорсун санаалара, куттаммат, чаҕыйбат ис туруктара буоларын көрдөрдүлэр. Донбасска биһиги тутааччыларбыт, миэдиктэрбит, волонтердарбыт үлэлииллэр, өрөспүүбүлүкэбит олохтоохторо, урбаанньыттара амарах санааларынан биир дойдулаахтарыгар, кинилэр дьиэ кэргэннэригэр көмөлөһөллөр.
Үтүө үгэстэри сүтэрбэккэ илдьэ сылдьарбыт, удьуорбутунан, өбүгэлэрбитинэн киэн туттарбыт, духуобунаһы, сиэри-майгыны үрдүктүк тутарбыт – биһиги олохпут тускула. Хайдахтаах даҕаны ыарахан кэмҥэ сомоҕолоох буоллахпытына, бигэ санаалаах, тирэхтээх буолуохпут.
Күндү доҕоттор! Эһиэхэ хас биирдиигитигэр кыайыылары, ситиһиилэри, кытаанах доруобуйаны, эйэни уонна этэҥҥэ буолууну баҕарабын. Бырааһынньыгынан, Арассыыйа күнүнэн!
-
0
-
0
-
0
-
0
-
0
-
0
