Арассыыйа күнэ – дойдутун, төрөөбүт сирин сайдан кэлбит баай устуоруйатынан, хатыламмат ураты култууратынан уонна үйэлээх үгэстэринэн киэн туттар дьону сомоҕолуур дириҥ ис хоһоонноох бэлиэ күн. Бу улахан суолталаах күҥҥэ ааспыт кэм быыһын арыйан, өбүгэлэрбит Ийэ дойдубут кэнэҕэски кэскилин, бөҕө туруктаах буолуутун туһугар сыралаах үлэлэринэн үтүөнү-кэрэни айан-тутан үйэлээҕи оҥорбуттарын, хорсун-хоодуот быһыыларын махтана ахтабыт.
Арассыыйа көҥүлүн уонна тутулуга суох буолуутун уһансан олохторун толук уурбут, билим, култуура, ускуустуба уонна дойдубут чэчирии сайдыытыгар дьоһун кылааттарын киллэрбит ытык дьоммут сырдык өйдөбүллэригэр сүгүрүйэбит.
Арассыыйа Федерациятын Бэрэсидьиэнэ Владимир Путин нэһилиэнньэ олоҕун-дьаһаҕын таһымын үрдэтиигэ туһуламмыт стратегическай соруктары туруорар. Сүрүн суолталаах хайысхалартан биирдэстэринэн киһи ис кыаҕын арыйыы, Ийэ дойдуга, норуокка ытыктабылынан, сөҕүрүйбэт тапталынан салайтаран, уопсастыба иннигэр эппиэтинэстээх, патриоттуу өйдөөх-санаалаах личноһы иитии буолар. Биһиги дойдубут бөҕөргүүрүгэр, үүнэригэр-сайдарыгар, хас биирдии кырасданьыын сарсыҥҥы күнүгэр бигэ эрэллээх, көмүскэллээх буоларыгар дьулуһабыт.
Эһиэхэ чэгиэн доруобуйаны, тус олоххутугар дьолу-соргуну, үтүө туругу, бары саҕалааһыннаргытыгар үрдүк ситиһиини баҕарабын. Дьиэ кэргэҥҥитигэр ил-эйэ, оттон сүрэххитигэр модун дойдубутугар таптал өрүү баар буоллун.
Арассыыйа күнүнэн!
Алексей Еремеев, Саха Өрөспүүбүлүкэтин Ил Түмэнин Бэрэссэдээтэлэ
-
2
-
0
-
0
-
0
-
0
-
0
