Тэрээһиҥҥэ бастыҥ үлэ кэллээктииптэрин бэрэстэбиитэллэрин чиэстээтилэр. Ол курдук, “Үлэ киһитэ” бириэмийэ лауреаттарыгар, үлэ династияларын бэрэстэбиитэллэригэр, Бочуоттаах настаабынньыктарга, идэлээхтэр түмсүүлэрин бэтэрээннэригэр эҕэрдэ тылларын тириэртилэр, өйдөбүнньүк бэлэхтэри туттардылар.
Манна бааллар култуура, бырамыысыланнас, үөрэх, успуорт, тырааныспар, энергетика, олох-дьаһах хомунаалынай хаһаайыстыбатын эйгэтин үлэһиттэрэ. Кинилэр хас биирдиилэрэ Өрөспүүбүлүкэбит уонна дойдубут сайдыытыгар сүҥкэн кылааттарын киллэрсэллэр.
Бырабыыталыстыба бэрэссэдээтэлин солбуйааччы Сергей Местников, Госдуума дьокутаата Галина Данчикова, Ил Түмэн социальнай бэлиитикэҕэ, үлэҕэ уонна дьарыктаах буолууга сис кэмитиэтин бэрэссэдээтэлэ Алена Атласова, биир идэлээхтэр түмсүүлэрин Федерациятын Бэрэссэдээтэлэ Николай Дегтярев, үлэ уонна социальнай сайдыы миниистирэ Елена Волкова онтон да атыттар эҕэрдэ тылларын эттилэр.
Тэрээһинтэн быһа тардан хаартысканан кэпсиибит.
-
0
-
0
-
0
-
0
-
0
-
0
