«Дьол тааһын» булларбыт…
Издательский дом Редакция Подписка
Погода в Якутске: . -43 oC

Тапталлаах киин куораппытыгар баар Эдэр көрөөччү судаарыстыбаннай тыйаатыра төрүттэммитэ 30 сылын туолла. Онно аналлаах үөрүүлээх тэрээһин бу күннэргэ буолан ааста. Тыйаатыр кэлэктиибин Саха Өрөспүүбүлүкэтин култуураҕа уонна духуобунаска миниистирин солбуйааччы Марина Силина кэлэн эҕэрдэлээтэ.

Тапталлаах киин куораппытыгар баар Эдэр көрөөччү судаарыстыбаннай тыйаатыра төрүттэммитэ 30 сылын туолла. Онно аналлаах үөрүүлээх тэрээһин бу күннэргэ буолан ааста. Тыйаатыр кэлэктиибин Саха Өрөспүүбүлүкэтин култуураҕа уонна духуобунаска миниистирин солбуйааччы Марина Силина кэлэн эҕэрдэлээтэ.

Бу бырааһынньык биир ордук долгутуулаах  түгэннээх буолла —  тыйаатыр кэлэктиибэ көрөөччүлэрин иннигэр тыйаатыр саҥа өрөгөй ырыатын (гимнин) аан бастаан толордо. Артыыстар андаҕар курдук ытыстарын сүрэхтэрин туһаайытынан тутан туран ыллаатылар.  Салгыы кинилэр кырачаан көрөөччүлэригэр уонна ыалдьыттарыгар анаан «Дьол тааһа» остуоруйаны оонньоон көрдөрдүлэр.

Марина Владимировна эҕэрдэ тылыгар тыйаатыр үлэһиттэригэр, көрөөччүлэргэ уонна ыалдьыттарга барыларыгар «дьол тааһын»  булалларыгар уонна онон сирдэтэн хас биирдиилэрэ бэйэлэрин бүччүм баҕа санааларын толороллоругар эттэ.

ТЮЗ Павловы

Испэктээкил түмүктэннэҕинэ артыыстар көрөөччүлэрин иннигэр тахсан бокулуоннуур үгэстээхтэр. Оттон  Марина Силина бу күн кинилэргэ таһаарыылаах айар үлэлэрин, тыйаатыры атаҕар туруорбуттарын уонна сайыннарбыттарын иһин махтанан туран  бэйэтэ бокулуоннуурун биллэрдэ. Бу үөрүүлээх күн миниистири солбуйааччы тыйаатыр кэлэктиибигэр Ил Дархан Айсен Николаев Махтал суругун тириэртэ. Талааннаах артыыска  Анна Флегонтоваҕа «Саха Өрөспүүбүлүкэтин үтүөлээх артыыһын» үрдүк аата иҥэриллибитин туоһулуур дастабырыанньаны уонна анал бэлиэтин күүрүүлээх ытыс тыаһынан доҕуһуоллатан туттарда. Салгыы Прасковья Павлова Саха Өрөспүүбүлүкэтин Бырабыыталыстыбатын бэрэссэдээтэлин Грамотатынан наҕараадаланна. Егор Аммосов «Саха Өрөспүүбүлүкэтин култууратын туйгуна» бочуоттаах ааты ылла. Оттон Алексей Винокуров уонна Ян Уницкай Саха Өрөспүүбүлүкэтин култуураҕа уонна духуобунаска министиэристибэтин Махталын туттулар.

ТЮЗ Павлов

Тыйаатыр устуоруйата салайааччылара - дириэктэр, Арассыыйа култууратын үтүөлээх үлэһитэ Матрена Степановна уонна  уус уран салайааччы, Арассыыйа култууратын үтүөлээх үлэһитэ Алексей Прокопьевич Павловтар - үрдүк маастарыстыбаларын, туруорсар сатабылларын, ылыннарыылаах тылларын уонна кырачаан көрөөччүлэргэ кэрэ искусствоны бэлэхтиир баҕа  санааларын толорууга дьулуһууларын кытта быһаччы сибээстээх.  Дьиҥэр, бу тыйаатыр бастаан 1990 сыллаахха Дьокуускайдааҕы судаарыстыбаннай филармония иһинэн «Наара суохтар» көр-күлүү эстраднай миниатюралар тыйаатырдарын быһыытынан тэриллибитэ. Оттон бүгүн бу Эдэр көрөөччү тыйаатыра оҕону кэрэ эйгэтигэр сирдиир, сиэтэн киллэрэр, сырдыкка-үрдүккэ талаһарга иитэр, үтүөҕэ үөрэтэр, тыйаатырга тапталы иҥэрэр соруктарын үтүө суобастаахтык толорор.

ТЮЗ Зрителли

Биһиги өрөспүүбүлүкэбит  Эдэр көрөөччүтүн тыйаатыра билигин Саха Сирин тас өртүгэр эмиэ киэҥник биллэр. ЭКТ  (Эдэр көрөөччү тыйаатыра)  элбэх араас Аан дойутааҕы уонна Арассыыйатааҕы  куонкурустар, көрүүлэр, бэстибээллэр хас да төгүллээх  лауреаттара. Ол курдук, кинилэр туруорууларын Москва, Казань, Каир (Египет), Таллинн (Эстония), Тюмень, Уфа (Башкортостан), Гомель (Белоруссия), Суботица (Сербия), Загреб (Хорватия), Улан – Батор (Монголия), Мумбаи (Индия), Адан, Анкара (Турция),  Омскай, Новосибирскай, Вологда куораттар кырачаан олохтоохторо, кинилэр төрөппүттэрэ, биир идэлээхтэрэ үрдүктүк сыаналаабыттара.

ТЮЗ коллектив

ЭКТ 2008 сыллаахха  ЮНЕСКО иһинэн  Тыйаатыр норуоттар икки ардыларынааҕы  институтун (ITI) чилиэнэ буолбута. 2011 сыллаахтан Кырачааннар уонна орто саастаах оҕолор тыйаатырдарын норуоттар икки ардыларынааҕы ассоциациятын   (АССИТЕЖ) чилиэнэ. «Дьол тааһа» испэктээкил Арассыыйатааҕы Национальнай бириэмийэ «Бастыҥ режиссерскай үлэ» номинацияҕа уонна «Арлекин» оҕо тыйаатырын бэстибээлин (Санкт-Петербург) лауреаттарын үрдүк  аатыгар тиксибитэ.  2019 сыллаахха Саха Сириттэн бастакынан Алексей Павлов РФ театральнай  искусствоны сайыннарыыга Федор Волков аатынан бириэмийэтин кыайыылааҕа буолбута. Онтон быйыл бу  Эдэр көрөөччү судаарыстыбаннай тыйаатыра «Полюс. Золотой сезон» эрэгийиэннэр тыйаатырдарын  VII куонкуруһун кыайыылааҕа. Дьэ ити курдук талааннаах уонна айар үлэнэн үлүһүйбүт дьоҕус доҕордуу кэлэктиип олус таһымнаахтык, айымньылаахтык үлэлиир.

ТЮЗ награждение

Сахабыт Сирин оҕолорго аналлаах бу тыйаатыра өссө да оҕо аймаҕы саҥа сонун туруорууларынан үөрдэ, кырачааннары кэрэ эйгэтигэр угуйа, ыҥыра туруохтун!

ТЮЗ

Хаартыскалар СӨ култуураҕа уонна духуобунаска министиэристибэтин сайтыттан ылылыннылар.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Спецпроекты

Саха Сирин «Олохтоох каадырдары промышленноска» бырайыага эдэр ыччаты үлэнэн хааччыйыы бастың практикаларын Бүтүн Россиятааҕы куонкуруhун финалыгар таҕыста

«Олохтоох каадырдары промышленноска» ѳрѳспүүбүлүкэтээҕи бырайыак ыччаты үлэнэн хааччыйыы…
07.12.22 20:49