Быыстапканы ыам ыйын 7 күнүгэр тэрийбиттэр. Быйылгы Улуу Кыайыы күнүн тэрээһиннэрэ эмиэ онлайн түһүлгэлэргэ бараллара былааннанар. Ол эрээри, Дьокуускай олохтоохторо ДОСААФ тиэргэнигэр тиийэн, сэрии тиэхиньикэтин уонна сэбин кытта быһаччы билсиэхтэрин, тутан-хабан көрүөхтэрин уонна хаартыскаҕа түһүөхтэрин сөп.
Быыстапкаҕа ГА3-57, ГАЗ-69, ЗиС-5 “Катюша”, ГАЗ АА, БТР-40, Гаубица д-30, тааҥканы утары орудиялар, “Максим” бүлүмүөт, ППШ аптамаат, Мосин бэнтиэпкэтэ турбуттар. Уруккуну көрдөрө таарыйа ДОСААФ бүгүҥҥү үлэтин сүрүн хайысхаларын – страйкбол, парашют, дайвинг кулууптарын уонна суоппар оскуолатын үлэлэрин кытта билиһиннэрэр.
Тэрээһиҥҥэ бары санитарнай нуормалары тутуһаллар. Ыам ыйын 9 күнүгэр Дьокуускайга урукку тиэхиньикэ аччыгый автопробега буолара былааннанар.
- 0
- 0
- 0
- 0
- 0
- 0