Издательский дом Редакция Подписка
Погода в Якутске: . 18 oC

Улуу Кыайыы күнүн чэрчитинэн Таатта улууһугар элбэх тэрээһиннэр ыытылыннылар.

Улуу Кыайыы күнүн чэрчитинэн Таатта улууһугар элбэх тэрээһиннэр ыытылыннылар.

Дойду үрдүнэн ыытыллар «Ийэ дойдуга бэриниилээх буолуу» уруоктарыгар холбоһон, оскуолаларга уонна мусуойдарга анал уруоктар бардылар. Быйылгы быһыыга-майгыга олоҕуран өрөспүүбүлүкэ үрдүнэн миитиннэри ыытыыга таатталар биир санаанан холбостубут.

к_-_3.jpeg

Кыайыы күнүн сарсыардата улуус баһылыга Айаал Семенович Бурцев тыыл бэтэрээннэрин, сэрии сылларын оҕолорун кытары  көрсүһүүтүттэн саҕаланна.

к_-_дети.jpeg

Бу өрөгөйдөөх күн күндү ыалдьыттарынан ааспыт уодаһыннаах сэрии иэдээнин билбит, кыайыыны уһансыбыт тоҕус тыыл бэтэрээнэ уонна сэрии кэмин оҕолоро буоллулар.

к_-_6.jpeg

Ол сыллары санатардыы, кыайыы мээнэҕэ кэлбэтэҕин бигэргэтэн, халлаан тымныы салгынынан көрүстэ. Кыайыы Болуоссата олохтоохторунан туолан, үйэлэргэ сөҥөн турар албан ааттаах дьоммутун кытта алтыста. Ыччат дьон эйэлээх олоҕу аҕалсыбыт эһэтин, хос эһэтин мэтириэтин тутан сүгүрүйэр бэлиэтин биллэрэн «Өлбөт үйэлээх пуолканан» хаамта.

к_-_04.jpeg

Миитиҥҥэ улуус баһылыга Айаал  Бурцев, Таатта нэһилиэгин баһылыга Егор  Павлов, улуустааҕы бэтэрээннэр Сэбиэттэрин бэрэссэдээтэлэ Маргарита  Попова, ыччаттар ааттарыттан Иван Старостин, анал байыаннай дьайыы кыттыылааҕа Роман Бондарев эҕэрдэ тылы эттилэр.

к_-_4.jpeg

Ол кэнниттэн итии чэйдээх «Саллаат хааһыта», эҕэрдэ кэнсиэр тэриллэн, бырааһынньык тыынын дириҥэтэн биэрдилэр.

к_-_гр.jpeg

Үгэс буолбут «Өйдөбүнньүк чүмэчитин» уматыы тэриллэн, бүгүҥҥү үйэлээх тэрээһини түмүктээтэ.

к-_7.jpeg

Улуу Кыайыыны аҕалсыбыт биир дойдулаахтарбыт ааттара, үйэттэн-үйэҕэ, көлүөнэттэн-көлүөнэҕэ ааттана турдун!

  • 8
  • 1
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

Тумарыгы бүрүммүт дьылҕа

Өстөөх үөһүгэр киирэн, тас дойду сирдэринэн сылдьан, киэҥ ыырдарынан тэлэһийэн «дойдум…
19.07.24 14:22