Үс хандьыдаат турбутуттан, элбэх куолаһы ылан, улахан арыттаахтык Кульбертинов Николай Иванович ("Биир ньыгыл Арассыыйа" баартыйаттан) кыайда.
Еникеев Михаил Викторович -- 6,05 % (326 киһи куоластаабыт);
Колмыгина Алена Николаевна --18,13 % (976 );
Кульбертинов Николай Иванович -- 72,96 % (3928).
Онон кини бу алтыс ыҥырыылаах Судаарыстыбаннай Мунньах болдьоҕо бүтүөр диэри, ол эбэтэр хаалбыт 1 сыл 3 ый устата Ил Түмэҥҥэ төрөөбүт Өлүөхүмэтин интэриэһин көмүскүө, Саха Сирин дьонугар туһалаах сокуоннары оҥорсуо.
Николай Иванович Кульбертиновы Саха Сирин олохтооҕо бары кэриэтэ бэркэ билэллэр. Ис дьыала уорганыгар уһун кэм устата холобур буолар гына дьоһуннук үлэлээн, куорат полициятын начаалынньыгар тиийэ үүммүтэ.
Саҥа сүктэриллибит эбээһинэһин эмиэ чиэстээхтик толоруоҕар толору эрэллээх, ситиһиилээх үлэни бэрэстэбиитэллээх уорган эйгэтигэр баҕарабыт!
-
3
-
0
-
0
-
0
-
0
-
0
