Быыбар хаамыытын туһунан хас 2 чаас буола-буола, Өлөөн быыбардыыр хамыыһыйатын бэрэссэдээтэлэ А.П. Васильев сырдатар:
--Балаҕан ыйын 11 күнүгэр Өлөөн улууһугар муниципальнай быыбардар буола тураллар. Сарсыарда 8 чааска бары быыбардыыр учаастактар аһыллыбыттара. Куоластааһын көхтөөхтүк бара турар. Ол курдук, биһиги оройуоммут 4 нэһилиэгэр барытыгар дьокутааттары талаллар. Ээйиккэ, Харыйалаахха, Дьэлиҥдэҕэ 7-лии дьокутааты, оройуон киинэ Өлөөҥҥө 10 дьокутааты талыахтаахпыт. Ону таһынан Өлөөн оройуонун дьокутааттарын сугулааныгар 3-с нүөмэрдээх уокурукка эбии хос быыбар ыытыллар. Бүгүн Дьэлиҥдэҕэ өссө нэһилиэк баһылыгын быыбара буола турар.
- Өлөөн улууһугар "Биир ньыгыл Арассыыйа" баартыйа салайааччыта Алла Петрова
Уопсайа 2095 быыбардааччы испииһэккэ киирэн турар. Суола-ииһэ мөлтөх ыраах сирдэргэ эрдэ 39 киһи куоластаан турар. Болдьох иннинэ эрдэ куоластааһын атырдьах ыйын 31 күнүттэн саҕаламмыта. 113 киһи ол кэмҥэ куоластаата.
Онтон бүгүн 10 чааска барыта 236 киһи куоластаабыта биллэр. Ити быыбардааччы 11, 6 бырыһыана буолар. Нэһилиэктэринэн ылар буоллахха, билиҥҥитэ Өлөөҥҥө 97 киһи куоластаата (8 %), Харыйалаахха -38 (10 %), Дьэлиҥдэҕэ – 75 (20%), Ээйиккэ -- 26 (19 %). Киэһээҥҥэ диэри бары куоластыахтара диэн эрэнэбит.
-
1
-
0
-
0
-
0
-
0
-
0
