Издательский дом Редакция Подписка
Погода в Якутске: . 19 oC

Сэтинньи 19 күнүгэр Саха Сирин үс нэһилиэгэр баһылыгы талыы быыбара буолан аастылар. Мэҥэ Хаҥаласка, Тааттаҕа уонна Уус Алдаҥҥа үс тыа сирин баһылыктара талылыннылар.

Сэтинньи 19 күнүгэр Саха Сирин үс нэһилиэгэр баһылыгы талыы быыбара буолан аастылар. Мэҥэ Хаҥаласка, Тааттаҕа уонна Уус Алдаҥҥа үс тыа сирин баһылыктара талылыннылар.

Бу өрөбүлгэ Уус Алдан улууһун иккис Лөгөй нэһилиэгин баһылыгын быыбарыгар нэһилиэнньэ 72,8%-на (273 киһи) кэлэн куоластаата. Нэһилиэк баһылыгын быыбарыгар икки хандьыдаат кыттынна диэн СӨ Киин быыбардыыр хамыыһыйата иһитиннэрэр. Ол курдук, быыбарга «Биир ньыгыл Арассыыйа» баартыйаттан туруоруммут хандьыдаат Петр Бурнашев 51,28% (140 киһи) куолаһынан кыайда. Кини утарсааччыта Ариан Бурнашев (бэйэ туруорунуута) 47,62% (130 киһи) куолаһы ылла.

Оттон Таатта улууһун Баайаҕа нэһилиэгин баһылыгын быыбарыгар уопсайa нэһилиэнньэ 58,46%-на (373 киһи) кэлэн куоластаата. Нэһилиэк баһылыгын быыбарыгар икки хандьыдаат кытынна. «Биир ньыгыл Арассыыйа» баартыйаттан туруоруммут хандьыдаат Александр Романов 96,51% (360 киһи) куолаһы ылан кыайда. Кини утарсааччыта Сахаяна Федотова (бэйэ туруорунуута) 2,95% (11 киһи) куолаһы ылла.

Мэҥэ Хаҥалас Мөҥүрүөн нэһилиэгин баһылыгын быыбарыгар нэһилинньэ 60,83%-на (205 киһи) кэлэн куоластаата. Нэһилиэк баһылыгын быыбарыгар икки хандьыдаат кыттынна. Ол курдук, быыбарга «Биир ньыгыл Арасыыйа» баартыйаттан туруоруммут Юрий Александров 93,17% (191 киһи) куолаһынан кыайда. Кини утарсааччыта Иван Ноговицын (бэйэ туруорунуута) 4,88% (уон киһи) куолаһы ылла.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением