Алтынньы 27 күнүгэр тэриллибит саҥа тутуулары үөрүүлээх арыйыыга Бүлүү куорат баһылыга Ян Попов элбэх кыбартыыралаах дьиэлэр сирдэрин-уоттарын тупсарыыга, бырайыагы олоххо киллэриигэ махтанна, куораты тупсарыы үлэтэ салгыы ыытыллыаҕын эрэннэрдэ, оҕо былаһааккатын, сынньалаҥ сирин оҥорууга кылааттарын киллэрбит үлэһиттэргэ махтал суруктары туттарда.
Тутууну салайан ыыппыт урбаанньыт Дмитрий Татаринов былаһаакканы оҥорууну сайын ортотуттан саҕалаан ситэрбиттэрин, куорат архитектора Туйаара Павлова бырайыак туһунан кэпсээтилэр, Октябрьскай уокуруктан куорат Сэбиэтин депутата Марианна Спиридонова олохтоохтору эҕэрдэлээтэ. Октябрьскай уулусса 23 «в» дьиэтигэр олорор Анастасия Зангеева бэртээхэй оҕо былаһаакката баар буолбутугар, дьиэлэрин таһа киэркэйэ, тупса түспүтүгэр куорат дьаһалтатыгар, Дьокутааттар сэбиэттэригэр, тутааччыларга махтанна.
Сынньалаҥ сирэ салгыы тупсарыллан оҥоһуллара былааҥҥа сылдьар. «Уһук Илин 1000 тиэргэнэ» бырайыагы олоххо киллэрии түмүгэр Бүлүү куоратыгар оҕо аймах үөрэ-көтө мустар, олохтоохтор чэбдик салгыннаах бэстэр анныларыгар олоро түһэн сынньанан ылар сирдэннилэр.
-
0
-
0
-
0
-
0
-
0
-
0
