Сырдык мөссүөнэ үйэлэргэ өлбөөдүйүө суоҕа
Издательский дом Редакция Подписка
Погода в Якутске: . 1 oC

Бүгүн, тохсунньу 6 күнүгэр, норуот дьокутаата, атыы-эргиэн, бырамыысыланнас палаататын бэрэсэдьиэнэ Владимир Членов олохтон соһумардык туораабыта биир сыла буолар.

Бүгүн, тохсунньу 6 күнүгэр, норуот дьокутаата, атыы-эргиэн, бырамыысыланнас палаататын бэрэсэдьиэнэ Владимир Членов олохтон соһумардык туораабыта биир сыла буолар.

2021 сыл тохсунньу 6 күнүгэр уһун ыарахан ыарыы кэннэ  Владимир Михайлович Членов, биллиилээх судаарыстыбаннай уонна бэлитиичэскэй диэйэтэл, «Полярная звезда» уордьан кавалера, «Гражданская доблесть» бочуоттаах бэлиэ хаһаайына, Саха Өрөспүүбүлүкэтин норуотун хаһаайыстыбатын үтүөлээх үлэһитэ, Арассыыйа тырааныспарын бочуоттаах үлэһитэ, Российскай Федерация бочуоттаах полярнига, СӨ гражданскай сулууспатын туйгуна, Арассыыйа сибээһин дойдулар икки ардыларыгар академиятын академига, Арассыыйа тырааныспарын академиятын академига, Булуҥ улууһун Бочуоттаах гражданина, Саха Өрөспүүбүлүкэтин IV, V, VI ыҥырыылаах норуот дьокутаата олохтон туораабыта.

Владимир Михайлович Членов 1950 с. алтынньы 14 күнүгэр Оренбургскай уобалас Абдулина куоракка төрөөбүтэ. 1979 сыллаахха ЯГУ «история» идэтинэн, 1990 сыллаахха Хабаровскайдааҕы үрдүкү баартыйа оскуоланы бүтэрбитэ.

128111

Кини 1969 сыллаахха путевой массыыналары өрөмүөннүүр слесарь-инструменщик быһыытынан үлэтин саҕалаабыта. В 1970-1972 сс. аармыйаҕа сулууспалаабыта.Владимир Михайлович олоҕун уонна үлэтин суола Саха сирин кытта быстыспат ситимнээх. 1972 сыллаахха муора флотун хотугулуу-илиҥҥи управлениетыгар слесарь-инструменщигынан, ЫБСЛКС Булуннааҕы райкомун тэрийэр отдел инструкторынан, салгыы үлэһит дьокутааттар Булуҥ райсэбиэтин исполкомун иһинэн култуура уонна успуорт райком бэрэссэдээтэлэ, отдел сэбиэдиссэйинэн, II, I сэкирэтээринэн үлэлиир. 1980 сыллаахха ыччат лидерин ЫБСЛКС Саха уобаластааҕы кэмитиэтин пропагандаҕа уонна култуурунай-маассабай үлэҕэ отделын сэбиэдиссэйинэн анаммыта. 1982-1985 сс. – Саха АССР Миниистирдэрин Сэбиэтин инструкторскай отделын инструктора.

Владимир Михайлович олоҕун саҥа түһүмэҕэ Ленскэй (билигин Ньурба), Сунтаар оройуоннарыгар салайар дуоһунастарга үлэтин-хамнаһын кытта сибээстэспитэ: ССКП Ленинскэй РК пропагандаҕа уонна агитацияҕа отделын сэбиэдиссэйэ; ССКП Ленскэй райисполкомун бэрэссэдээтэлин солбуйааччы; ССКП Сунтаар райсоветын бэрэссэдээтэлин солбуйааччы; Сунтаар райсоветын бэрэссэдээтэлин солбуйааччы; Ленскэй райсоветын бэрэссэдээтэлин солбуйааччы.

1991 сыллаахха Саха АССР килиэп бородууктатын уонна ас-таҥас бырамыысыланнаһын миниистирин солбуйааччынан анаммыта. 1992 сылтан Саха Өрөспүүбүлүкэтин материальнай- техническэй хааччыйыыга департаменын директорынан үлэлии сылдьан, материальнай-техническэй ресурсалары хааччыйыы уонна ырыынак сыһыаннаһыытын усулуобуйатыгар өрөспүүбүлүкэҕэ аһынан- үөлүнэн хааччыйыы тиһигин тэрийэргэ туруммута. 1995-1996 сс. – Саха Өрөспүүбүлүкэтин материальнай ресурсаларыгар, эргиэҥҥэ уонна тырааныспарга миниистирэ, 1996-1998 сс. – Саха Өрөспүүбүлүкэтин бырабыыталыстыбатын бэрэссэдээтэлин солбуйааччы; 1998-2002 сс. – Саха Өрөспүүбүлүкэтин материальнай ресурсаларга, эргиэҥҥэ уонна тырааныспарга миниистирэ; 2002-2010 сс.- Саха Өрөспүүбүлүкэтин тырааныспарга, сибээскэ уонна информатизация миниистирэ; 06.2010 – 09.2010 с.-Саха Өрөспүүбүлүкэтин Бэрэсидьиэнин сүбэһитэ.

128121

Членов В. М. үлэлиирин тухары өрөспүүбүлүкэ сиригэр-уотугар Саха сирин олоҕун-дьаһаҕын хааччыйар сүдү инфраструктурнай бырайыактар олоххо киллэрэр. «Якутия» авиахампаанньаны, «Полярные авиалинии» авиахампаанньаны ырыынак сыһыаннаһыыларыгар көһөрүү уустук усулуобуйатыгар, Дьокуускайдааҕы авиационнай- техническэй училищены тэрийиигэ, «Железные дороги Якутии» акционернай хампаанньа буоларыгар, Беркакит-Томмот-Аллараа Бэстээх тимир суолун тутуутугар өҥөлөрө саарбаҕа суох.

2010 сылтан СӨ Атыы-эргиэн- бырамыысыланнас палаататын бэрэсидьиэнэ. Владимир Членов көҕүлээһининэн уонна өйөбүлүнэн өрөспүүбүлүкэҕэ экэниэмикэ уонна социальнай эйгэ салааларыгар квалификациялары сыаналааһын кииннэрэ үлэлииллэр, предпринимательствоны өйүүр саҥа технологиялар киллэриллибиттэрэ.

Ил Түмэн төрдүс ыҥырыытыгар Дьокуускай куорат 4 №-дээх киин уокуругун, бэһис ыҥырыыга – Арктика быыбардыыр уокуругун 35 №- дээх киин уокуругун билиһиннэрбитэ. Саха сирин парламенын алтыс ыҥырыытыгар «Биир Ньыгыл Арассыыйа» бэлитиичэскэй баартыйа региональнай салаатын киин бөлөҕүттэн талыллыбыта. Ил Түмэн Хотугу сир уонна Арктика аҕыйах ахсааннаах норуоттарын дьыалаларыгар кэмитиэтин бэрэссэдээтэлин солбуйааччы, экэниэмикэ, инвестиционнай уонна бырамыысыланнас бэлитиикэтин кэмитиэтин чилиэнэ, урбаан, туризм уонна инфраструктураны сайыннарыыга кэмитиэт чилиэнэ этэ.

Владимир Михайлович Членов Саха Өрөспүүбүлүкэтин социальнай-экэнэмиичэскэй сайдыытыгар улахан кылааты киллэрбитэ. Араас эппиэттээх дуоһунастарга үлэлии сылдьан, дойду, өрөспүүбүлүкэ сайдыытыгар туох баар күүһүн-уоҕун, айымньылаах үлэтин барытын анаабыта, ураты талааннаах салайааччы, үрдүк таһымнаах профессионал быһыытынан бэйэтин көрдөрбүтэ.

Хоту дойду дьиҥнээх патриота Владимир Членов сырдык аата үйэ-саас тухары сүрэхпитигэр хаалыаҕа. Сырдык мөссүөнэ биһиэхэ үйэлэргэ өлбөөдүйүө суоҕа. 

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости