Бу күн бэйэлэрин идэлээх бырааhынньыктарын култуура салаатын үлэhиттэрэ, айар идэлээх дьон, ускуустуба диэйэтэллэрэ, култуурунай нэhилиэстибэни харайааччылар уонна киэҥ эйгэҕэ таhаарааччылар бэлиэтииллэр.
Бэҕэhээ, култуура үлэhитин Күнүн кѳрсѳ, Дьокуускайга, Саха Ѳрѳспүүбүлүкэтин Бырабыыталыстыбатын 1 № Дьиэтин саалатыгар култуура уонна ускуустуба диэйэтэллэригэр судаарыстыбаннай уонна биэдэмистибэннэй наҕараадалары туттардылар.
«Бүгүн биhиги дойдубут элбэх омуктаах норуотун духуобунай сыаннастарын бѳҕѳргѳтүүгэ култуура оруола хаhааҥҥытааҕар да улахан. Биhиги бэйэбит тѳрүттэрбит үгэстэригэр, баай култуурабытыгар тирэҕирэрбит ураты суолталаах. Биhиги ѳрѳспүүбүлүкэбитигэр Саха Сирин култуурунай кодун ѳрѳ таhаарыыга утумнаах үлэ ыытыллар. Бу үлэҕэ айар сойуустар, тэлэбидиэнньэ, издательстволар, тэрилтэлэр, наука уонна биисинэс бары тардыллаллар», - диэн бэйэтин туhаайыытыгар Саха Сирин Ил Дархана Айсен Николаев бэлиэтээтэ.
Хаартыска СѲ Ил Баhылыгын сайтыттан ылылынна.
-
0
-
0
-
0
-
0
-
0
-
0
