Онно оскуола улахан кылааһын үөрэнээччилэрин ыҥыран сырытыннардылар.Куратордар, маастардар, салайааччылар бэлэмнэнэн аҕай кэлбиттэрэ, лиссиэй устудьуоннара түмсүбүттэрэ олус учугэйдик көһүннэ . 
Биир саалаҕа билиҥҥи уонна урукку устудьуоннар(куратордар, маастардар), сотору оскуоланы бүтэрэн, устудьуон буолуохтаах үөрэнээччилэр бары биир тэҥ саастаахтаахтар курдук араас оонньуулары оонньоотубут, дэлби күллүбүт-үөрдүбүт. Хардарыта эҕэрдэ нүөмэрдэри көрдөрдүбүт. Ким да олорон хаалбакка, бары көхтөөхтүк кыттыбыппыт наһаа үчүгэй!
Устудьуоннары үөрэтэр преподавателлэр көрдөөх устудьуоннаабыт кэмнэрин ахтан-санаан ааспыттара олус истиҥ буолла. Бу тэрээһинтэн хас биирдии киһиэхэ устудьуоннаабыт кэмэ саамай умнуллубат, кэрэ кэмэ эбит диэн үтүө өйдөбүллээх тарҕастыбыт!
Маннык сэргэх тэрээһини бэлэхтээбит лиссиэй дириэктэрин иитэр үлэҕэ солбуйааччытыгар Елена Васильевна Малышеваҕа махтанабыт! Бары устудьуоннары Устудьуон күнүнэн эҕэрдэлиибит! Ситиһиилээх үөрэҕи, көхтөөх, бэһиэлэй олоҕу баҕарабыт!
Эмилия Федорова,
Харбалаахтааҕы үөрэхтээһин холбоһугун
10 кылааһын үөрэнээччитэ
Хаартыска: ааптар тиксэриитинэн
-
2
-
0
-
0
-
0
-
0
-
0
