Кини 1949 сыллаахха Эдьигээн оройуонун Бэстээх сэлиэнньэтигэр төрөөбүт. Көҥүл тустуунан 13 сааһыттан дьарыктанан саҕалыыр. Күүстээх санаалаах уолчаан бииртэн биир кыайыылара кинини олимпиада чыпчаалыгар аҕалаллар.
Роман Дмитриев успуорт карьератын 1981 сыллаахха түмүктээбит. Өр сылларга ССРС тренердэрин сүүмэрдэммит хамаандатын састаабыгар киирэрэ. Арассыыйа юниордарын сүүмэрдэммит хамаандаларын эрчийбит.
Олоҕун тиһэх сылларыгар Роман Михайлович РФ судаарыстыбаннай Думатыгар Ил Түмэн бэрэстэбиитэлинэн үлэлээбит.
Роман Дмитриев кыайыылара сэбиэскэй уонна саха сирин успуортун устуоруйатыгар көмүс буукубаларынан суруллан киирбиттэрэ. Кинини ХХ үйэ биир саамай чаҕылхай, ураты техникалаах тустуугунан ааттыыллара.
-
1
-
0
-
0
-
0
-
0
-
0
