Бүгүн ахсынньы ый 9 күнүгэр Дьокуускай национальнай библиотекатыгар “Ырыа буолбут олох” диэн Сэбиэскэй Сойуус Дьоруойа Сүөдэр Попов сырдык кэриэһигэр анаммыт саҥа кинигэ биһирэмэ буолла.
Саҥа кинигэ сүрэхтэниитигэр Дьоруой чугас уруулара, Мэҥэ Хаҥалас улууһун дьоно-сэргэтэ, кинигэҕэ үлэлэспит ааптардар, Өксөкүлээх Өлөксөй аатынан үнүстүүт үлэһиттэрэ уо.д.а. Сүөдэр Кузьмич үрдүк аатыгар сүгүрүйээччилэр кыттыыны ыллылар.
Кинигэҕэ уус-уран айымньылар, ахтыылар, ырытыылар, научнай чинчийиилэр түмүлүннүлэр. Кинигэ дьоруой 100 сылын көрсө таҕыста.
Мэҥэ Хаҥалас улууһун дьаһалта үбүлээтэ.
Санатар буоллахха, Федор Кузьмич Поповка Днепр өрүһү туорааһыҥҥа командование бойобуой сорудахтарын толорууга көрдөрбүт дьоруойдуу хорсун быһыыһытын иһин ССРС Үрдүкү Сэбиэтин Президиумун 1944 сыл тохсунньу 15 күнүнээҕи Ыйааҕынан, өлбүтэн кэннэ, Сэбиэскэй Сойуус Дьоруойун аата иҥэриллибитэ.
-
0
-
0
-
0
-
0
-
0
-
0
